डब्ल्यूएचओले भन्यो, नयाँ भेरियन्टबारे अवगत छैन !

२० जेठ, काठमाडाैं । विश्व स्वास्थ्य संगठन ‘डब्ल्यूएचओ’ले नेपालमा देखिएको नयाँ भेरियन्टबारे अवगत नभएको जनाएको छ । डब्ल्यूएचओले बिहीबार सामाजिक सञ्जालमार्फत कोरोनाको कुनै पनि प्रजातिको नयाँ भेरियन्ट भेटिएकोबारे जानकारी नभएको बताएको हो ।

आज डब्ल्यूएचओको नेपालस्थित कार्यालयले बिहीबार सामाजिक सञ्जालमार्फत भनेको छ, ‘नेपालमा सार्स–कोभ–२ को नयाँ भेरियन्ट फेला परेको भन्नेकुरामा विश्वस्वास्थ्य संगठन अवगत छैन ।’

बेलायती सञ्चारमध्यम डेलीमेलले नेपालमा नयाँ भेरियन्ट भेटिएको दाबी गरेको थियो । तर डब्ल्यूएचओले त्यसको खण्डन गरेको छ । हाल नेपालमा अल्फा ‘बी.१.१.७’, डेल्टा ‘बी.१.६१७.२’ र कप्पा ‘बी.१.६१७.१’ भेरियन्ट देखिएको छ । तीन भेरियन्टमध्ये नेपालमा हाल सक्रिय रहेको भेरियन्ट डेल्टा ‘बी.१.६१७.२’ हो ।

नेपालमा सार्स-कोभ-२ को नयाँ भेरियन्ट फेला परेको भन्नेकुरामा विश्व स्वास्थ्य संगठन अवगत छैन । नेपालमा रहेका भेरियन्टहरु Alpha (B.1.1.7), Delta (B.1.617.2) र Kappa (B.1.617.1) हुन् । यी तीन मध्ये नेपालमा हाल सक्रिय रहेको भेरियन्ट Delta (B.1.617.2) हो । @mohpnep @PandavRajesh https://t.co/SPib5Tqc8a

— WHO Nepal (@WHONepal) June 3, 2021

यसैबीच, आजै सेती प्रादेशिक अस्पतालमा कालो ढुसी ‘म्यूकर माइकोसिस’को संक्रमणबाट एकजनाको मृत्यु भएको छ । कैलालीको बर्दगोरिया–६ का ६५ वर्षीय पुरुषको मृत्यु भएको हो ।