हत्या गरि फरार रहेका चार जना भरुवा बन्दुकसहित पक्राउ

२० जेठ, विराटनगर । सिकार खेल्ने क्रममा आफ्नो साथि केराबारी ३ का हस्तबुमार राईको हत्या गरि फरार रहेको चार जनालाई मोरङको केराबारी गाँउपालिकाबाट प्रहरीले भरुवा बन्दुकसहित पक्राउ गरेको छ ।

उनिहरुलाई बुधबार इलाका प्रहरी कार्यालय वेलबारीबाट खटेको प्रहरी टोलीले पक्राउ गरेको हो । मृतक राइसहित १० जना बाँसघारी खोप सरकारी राष्ट्रिय बनमा शिकार खेल्न गएकोमा जेठ ८ गते राजेन्द्र राईले प्रहार गरेको भरुवा बन्दुकको गोली लागेर हस्तबहादुर राईको मृत्यु भएको थियो ।

राइको मृत्यु पछि उनलाई छोडेर सवै जना त्याँहाबाट फरार भएका थिए । घटना स्थलबाट प्रहरीले भरुवा बन्दुक १ थान बरामद गरेको थियो । घटना पछि तुरुन्तै फरार रुबिन लिम्बु र गजेन्द्रबहादुर राईलाई उनिहरुको घरबाट प्रह्रीले पक्राउ गरेको थियो भने अन्य ४ जनालाई बुधबार पक्राउ गरेको मोरङ प्रहरीले जानकारी दिएको छ ।

पक्राउ पर्नेहररुमा केराबारी ३ का डिकबहादुर राई,बुद्धबिर लिम्बु,रामप्रसाद राई र लेटाङका विपन लिम्बु रहेका छन् । उनिहरुले लुकाई राखेको ४ थान भरुवा बन्दुक पनि बरामद गरेको मोरङ प्रहरीले जनाएको छ । पक्राउ परेकाहरुमाथि थप अनुसन्धान भइरहेको जिल्ला प्रह्री कार्यालय मोरङले जनाएको छ ।