शुक्रबार , असार ११, २०७८

शहीद धर्मभक्त राष्ट्रिय प्रत्यारोपण केन्द्र झौखेलमा बनाइने

शहीद धर्मभक्त राष्ट्रिय प्रत्यारोपण केन्द्र झौखेलमा बनाइने

२१ जेठ, भक्तपुर । सरकारले भक्तपुरको चाँगुनारायण नगरपालिका–३ झौखेलमा शहीद धर्मभक्त राष्ट्रिय प्रत्यारोपण केन्द्रको भवन निर्माण गरी स्थानान्तरण गर्ने भएको छ । नेपाल र भारतबाट आउने बिरामीको चाप बढ्दा भवन अभाव भएपछि मन्त्रिपरिषद्ले झौखेलमा अस्पतालको भवन निर्माण गर्ने निर्णय गरेसँगै कहाँ बन्ला भन्ने अन्योल हटेको छ ।

सरकारले साविक झौखेल गाविसको वडा नं ३ को कित्ता नं १ मा रहेको छ रोपनी एक आना दुई पैसा, सोही ठाउँमा रहेको कित्ता नं ११३ को २५ रोपनी पाँच आना दुई पैसा गरी करिब ३२ रोपनी क्षेत्रफल रहेको उक्त सरकारी जग्गा दर्ता तथा लिजमा उपलब्ध गराउने कार्यनीति, २०७१ ९संशोधनसहित०को दफा १२ ९४० र दफा ५ को देहायको खण्ड ९ग० बमोजिम ३० वर्षका लागि भाडामा दिने निर्णय गरेको चाँगुनारायण नगरपालिकाका प्रमुख सोमप्रसाद मिश्रले जानकारी दिए ।

Kumari Bank 300x290 new
Global IME Bank Meri unilai
Nepal Life Insurance

मन्त्रिपरिषद्को निर्णयसँगै भूमि व्यवस्था, सहकारी तथा गरिबी निवारण मन्त्रालयको भूमि व्यवस्थापन तथा अभिलेख विभागले यही जेठ १७ गते भूमिसुधार तथा मालपोत कार्यालयलाई मन्त्रिपरिषद्को निर्णय कार्यान्वयनका लागि पत्र पठाएपछि जिल्ला मालपोत कार्यालय भक्तपुुरले २०७८ जेठ १८ गतेदेखि २१०८ जेठ १७ गतेसम्म जग्गा लिजमा दिने सम्झौता गरेको छ ।

शिक्षामन्त्री कृष्णगोपाल श्रेष्ठ, भक्तपुरका निवर्तमान सांसद एवं पूर्वमन्त्री महेश बस्नेत, एमाले जिल्ला अध्यक्ष बचन देउजा, सूर्यविनायक नगरपालिकाका प्रमुख वासुदेव थापासहितको पहलमा झौखेलमा उक्त अस्पताल निर्माण गर्ने निर्णय गराउन सफल भएको नगरप्रमुख मिश्रले बताए । एमाले नेता बस्नेत, जिल्ला समन्वय समिति भक्तपुरका प्रमुख नवराज गेलाल, नगरप्रमुख मिश्रलगायत टोलीले अस्पताल भवन निर्माणस्थलको अवलोकन गरे ।

चाँगुनारायणकै दुवाकोटमा वीर अस्पतालसमेत निर्माण गर्न नेता बस्नेतकै नेतृत्वमा नगरप्रमुख मिश्र, जिसस प्रमुख गेलालसहितको टोलीको लामै पहलपछि सरकारले आगामी तीन वर्षभित्र अस्पतालको सबै भवन निर्माण गरेर पूर्णरूपमा सञ्चालनमा ल्याउने गरी बजेटसमेत विनियोजन गरेको छ ।

विसं २०७५ साउन २१ गते चाँगुनारायणकै वडा नं ७ बागेश्वरीको ७० रोपनी जग्गा शहीद धर्मभक्त राष्ट्रिय प्रत्यारोपण केन्द्रलाई दिने नगरपालिकासहित सरोकारवाला निकायले सहमति गर्दै सरकारलाई पत्राचार गरेको तर अस्पताल प्रशासनले उक्त जग्गा अस्पतालका लागि टाढा भएको, पायक नपरेको र अन्त जग्गा नपाए मात्रै विकल्पको रूपमा राख्ने भन्दै चासो नदिएपछि अन्यत्र जग्गा खोजी भएको थियो ।

एमाले नेता बस्नेतले उक्त अस्पतालको भवन निर्माणबारे प्रधानमन्त्री केपी शर्मा ओलीले चासो दिएपछि उपयुक्त ठाउँको छनोट गर्ने क्रममा विवादरहित झौखेलका लागि सहमति गरिएको बताए । झौखेलको जग्गामा उक्त अस्पताल बनाउनेबारेमा आफ्नै नेतृत्वमा जिसस भक्तपुरका प्रमुख गेलाल, चाँगुनारायणका प्रमुख मिश्र र सूर्यविनायकका प्रमुख थापाबीच सहमति गर्दै अस्पताल छिटो निर्माण गराउने सहमति भएको उनले बताए ।

“अस्पतालले नै बागीश्वरी टाढा हुन्छ, पायक पर्दैन, काहीँ नपाए मात्रै हेरौँला भन्दै अन्त जग्गा खोजेपछि झौखेल र सूर्यविनायक नगरपालिका–५ कटुञ्जेको करिब ३१ रोपनी जग्गामा उक्त अस्पताल सार्ने गरी प्रक्रिया अगाडि बढाएका थियौँ”, बस्नेतले भने, “तर कटुञ्जेमा गणेशमानसिंह वाटिकाको जग्गामा अस्पताल राख्न कुनै हालतमा दिँदैनौँ भन्दै कांग्रेस भक्तपुर सभापति दूर्लभ थापासहित सिङ्गो कांग्रेसले विरोध गर्दा त्यहाँ राख्न सकेनौँ, यो अस्पताललाई भक्तपुरबाट बाहिरी जिल्लामा लैजाने चलखेल भएपछि अन्नतः झौखेलमा सार्न हामी सहमत भयौँ ।”

नेता बस्नेतले सूर्यविनायक र बागीश्वरीका जनतालाई अस्पताल निर्माणको विषयलाई लिएर कुनै विवाद नगर्न आह्वान गर्दै दुवै ठाउँमा अस्पताल र अरु विकासका पूर्वाधार ल्याउने प्रतिबद्धता व्यक्त गरे। उनले भने, “भक्तपुर क्यान्सर अस्पताललाई चित्तपोलको नगरकोटी टोलमा रहेको ६५ रोपनी जग्गामा सार्ने, सूर्यविनायकको कटुञ्जेस्थित बाहुनडोलमा सरुवा रोग नियन्त्रण केन्द्र र बागीश्वरीमा स्थानीयवासीसँगको छलफलमा उपयुक्त विकासका पूर्वाधार लैजाने प्रतिबद्धता व्यक्त गर्दछु ।”

सरकारले नेपालकै केन्द्रीय अस्पतालको रूपमा मानव अङ्ग प्रत्यारोपण केन्द्रको स्थापना गर्दै भक्तपुरको दूधपाटीस्थित भक्तपुर अस्पतालका लागि निर्माण गरेको नयाँ भवनमा शुरुमा मिर्गौलाको बहिरङ्ग, अन्तरङ्ग, डायलासिस र प्रत्यारोपण सेवा दिएको यो अस्पतालले हाल कलेजो प्रत्यारोपणदेखि अन्य शल्यक्रियासमेत गर्दै आएको छ । भारतदेखिका बिरामी आउने भएपछि शय्या अभाव र सेवा विस्तारले ठाउँ अभावले सोही भवनमा तला थप्ने, खाली ठाउँमा अस्थायी संरचना बनाउँदै सेवा दिँदै आएको छ । रासस

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

सुनौलो हजार दिनका आमालाई अण्डा सहयोग सुनौलो हजार दिनका आमालाई अण्डा सहयोग १० घण्टा पहिले
व्यासको नीति तथा कार्यक्रमले स्वास्थ्य, कृषि र पर्यटन प्राथमिकता दिने व्यासको नीति तथा कार्यक्रमले स्वास्थ्य, कृषि र पर्यटन प्राथमिकता दिने १३ घण्टा पहिले
ओलीले गरे मन्त्रीहरुको जिम्मेवारी हेरफेर, एउटाकाे भागमा ५ मन्त्रालय ! ओलीले गरे मन्त्रीहरुको जिम्मेवारी हेरफेर, एउटाकाे भागमा ५ मन्त्रालय ! ९ घण्टा पहिले
फरक खोप लगाउँदा प्रभावकारी हुन्छ भन्ने आधार छैनः डब्लुएचओ फरक खोप लगाउँदा प्रभावकारी हुन्छ भन्ने आधार छैनः डब्लुएचओ १६ घण्टा पहिले
गठबन्धनमा आवद्ध दलका भातृ संगठनहरुद्धारा काठमाडौंमा प्रदर्शन गठबन्धनमा आवद्ध दलका भातृ संगठनहरुद्धारा काठमाडौंमा प्रदर्शन १० घण्टा पहिले
फेरि अर्को लघुवित्तले सर्वसाधारणको लागि आईपीओ निष्काशन गर्दै फेरि अर्को लघुवित्तले सर्वसाधारणको लागि आईपीओ निष्काशन गर्दै १९ घण्टा पहिले
आइएमई लाइफ इन्स्योरेन्समा रोजगारीको अवसर, सातै प्रदेशका लागि माग्यो कर्मचारी आइएमई लाइफ इन्स्योरेन्समा रोजगारीको अवसर, सातै प्रदेशका लागि माग्यो कर्मचारी १८ घण्टा पहिले
चीनमा ज्येष्ठ नागरिकलाई विभिन्न किसिमका राहत चीनमा ज्येष्ठ नागरिकलाई विभिन्न किसिमका राहत ११ घण्टा पहिले
निर्धारित समयमा पनि सकिएन खानेपानी आयोजना निर्धारित समयमा पनि सकिएन खानेपानी आयोजना ४ दिन पहिले
आजदेखि काठमाडौं उपत्यकाको निषेधाज्ञा केही खुकुलो, के-के खुल्दै छन ? आजदेखि काठमाडौं उपत्यकाको निषेधाज्ञा केही खुकुलो, के-के खुल्दै छन ? ३ दिन पहिले
महाकाली अस्पतालको भौतिक पूर्वाधार निर्माण हुँदै महाकाली अस्पतालको भौतिक पूर्वाधार निर्माण हुँदै ७ दिन पहिले
मनाङ जोड्ने सुरुङमार्ग सम्भाव्यता अध्ययन शुरु गरिने मनाङ जोड्ने सुरुङमार्ग सम्भाव्यता अध्ययन शुरु गरिने ३ दिन पहिले
देशका विभिन्न स्थानमा बाढीपहिरो : १७ जनाको मृत्यु, २२ बेपत्ता ! देशका विभिन्न स्थानमा बाढीपहिरो : १७ जनाको मृत्यु, २२ बेपत्ता ! ५ दिन पहिले
फेरि थुनियो मस्र्याङ्दी नदी, चामेबजार जाने ठूलो पुल जोखिममा फेरि थुनियो मस्र्याङ्दी नदी, चामेबजार जाने ठूलो पुल जोखिममा २ दिन पहिले
ट्राफिक प्रहरीले धराप थापेर मुख्य सडक नै छेक्दा जाम ट्राफिक प्रहरीले धराप थापेर मुख्य सडक नै छेक्दा जाम ३ दिन पहिले
सर्वोच्चले आदेश सच्याउँदै: विष्णु पौडेलको उपप्रधानमन्त्री पद गयो अब अर्थमन्त्री मात्र सर्वोच्चले आदेश सच्याउँदै: विष्णु पौडेलको उपप्रधानमन्त्री पद गयो अब अर्थमन्त्री मात्र २ दिन पहिले