नेपाल पक्ष अब लाग्यो आफ्नै बाटोमा
नेपालबहस संवाददाता
जेठ २१, २०७८ शुक्रबार १६:१:५२
२१ जेठ, काठमाडौं । प्रधानमन्त्री केपी ओलीको कथित सेटिङ भत्किने परिस्थिति निर्माण भएपछि एकाएक पलाएको पार्टी एकताको रागले अर्काे पक्षलाई कसरी प्रभावित पार्ला ? भन्न कठिन छ ।
हिजै मात्र ओलीले खनाल–नेपाल समूहका थप १२ जना नेतामाथि कारवाही गर्न बोलाइएको स्थायी कमिटी अर्काे मिति नै नतोकी अनिश्चितकालका लागि स्थगित गरेका छन् । उनले नयाँ पासा फालेका छन्– जेठ २, २०७५ अघिको एमालेको बैठक बोलाउन तयार छु, तर शेरबहादुर देउवालाई प्रधानमन्त्री बन्न गरेको हस्ताक्षर फिर्ता हुनुपर्छ ।
ओलीको यो शर्तले नै प्रष्ट पारेको छ – अब प्रतिनिधिसभा फेरि ब्यूँतिदैंछ । पुनस्थापित प्रतिनिधिसभामा ओली बहुमत सिद्ध गर्ने तारतम्य मिलाउँदैछन् । त्यसका लागि उनले एमालेको सग्लो सपोर्ट चाहेका छन् । कदाचित झलनाथ खनाल, माधव नेपाल र भीम रावल नआएपनि अरु निर्वाचित सदस्यहरु भने आफूसँगै आउन् । यसो गर्दा उनले जनता समाजवादी पार्टीको २० सांसद्को समेत समर्थन जुट्ने अनि बहुमतको सरकार बनाएर बाँकी अवधि पनि सरकार चलाउने दाउ हेरेका छन् ।
त्यसैले ओलीले यस्तो शर्त तेस्र्याएको बुझ्न सकिन्छ । ओलीको यो चालबाजी माधव नेपाल निकट केही नेताहरुले नबुझेका होइनन् । हिजो यो पक्षले गरेको केन्द्रीय कमिटी बैठकमा नेताहरु घनश्याम भूषाल र सुरेन्द्र पाण्डेले प्रष्टैसँग भने–ओली फेरि पनि अल्मल्याउन चाहन्छन् । त्यसैले नेताहरुले ओली समक्ष अर्काे शर्त राखेका छन् । त्यसो भए ओलीले प्रधानमन्त्रीबाट राजीनामा दिनुपर्छ । जेठ २, २०७५ मा पार्टी जाने त छँदैछ , थप राजीनामा गर्नुपर्ने शर्त आएको छ – नेता विरोध खतिवडाले भनेका छन् ।
यसका अतिरिक्त नेता नेपालले हिजोकै बैठकमा भनेका थिए– ओलीसँग वार्ता छलफल गर्नुको अर्थ छैन, किनभने उनी छलकपटमा विश्वास गर्छन् । साँच्चै नै एकता गर्ने भए प्रतिनिधिसभा विघटन गलत भनेर ओलीले आत्मालोचना गर्नुपर्छ । नेपाल पक्षीय नेताहरुका यस्ता शर्तहरुले ओलीको चालबाजी काम लाग्ने देखिंदैन । यद्यपि ओलीले नेपाल पक्षको शर्तबारे जवाफ दिन आज स्थायी कमिटी बैठक गर्ने सम्भावना रहेको बालुवाटार निकट स्रोतले बतायो ।
यस्ता बकम्फुसे शर्त राख्नुको अर्थ खनाल–नेपाल एकीकरणमा रुची राख्दैनन् भन्ने हो – उनले भने हामी पनि उनीहरु चाहिं नआउन् भन्ने नै चाहन्छौं । तर नेपाल पक्षमा रहेका केही प्रभावशाली भनिने नेताहरु भने एमालेतिर फर्किए भने त्यसको राजनीतिक लाभ ओलीलाई हुने छ । तर ओली पक्षले चाहे अनुसारको वातावरण तयार हुने परिस्थिति अहिलेलाई देखिंदैन । किनभने हिजोकै बैठकमा अधिकांश जनवर्गीय संगठन प्रमुखहरुले अब ओलीसँग वार्ताको नाममा अल्मलिनु नहुने धारणा राखे । दुईचार दिनभित्र एकताबारे टुंगोमा पुगिएन भने नयाँ आन्दोलन थाल्नुपर्ने उनीहरुको राय थियो ।
वरिष्ठ नेता खनालले समेत उनीहरुकै धारणालाई बल पुग्ने गरी भने–जति गरेपनि ओली सुध्रिनेवाला छैनन्, अब नयाँ संगठनमार्फत आन्दोलन अगाडि बढाउनुको विकल्प छैन । उता, खनाल–नेपाल पक्षका चारजना प्रभावशाली युवा नेताले पनि अब ओलीको भुलभुलैयामा अल्झन नहुने धारणा सार्वजनिक गरेका छन् । यो पक्षको पोलिटव्यूरो सदस्यहरु जगन्नाथ खतिवडा, विजय पौडेल, प्रकाश ज्वाला र केन्द्रीय सदस्य राजेन्द्र राईले संयुक्त बक्तव्य नै जारी गरे ।
वक्तव्यमा उनीहरुले १० बुँदा राखेका छन् । जसमा ओलीले वार्ताको नाटक मञ्चन गरेर केही नेतालाई आफूतिर अल्झाउने र नेपाल पक्षलाई कमजोर बनाउने प्रयास गरेको आरोप लगाएका छन् । उनीहरुको निश्कर्ष छ–ओलीसँग वार्ताको नाममा अब धेरै अलमल नगरौं , कम्युनिष्ट आन्दोलनलाई नयाँ शीराबाट फेरि थालौं ।
संयुक्त बक्तत्वमा भनिएको छ–आज रचना गरिएको वार्ताको नाटकले हामीबीचको एकतालाई छिन्नभिन्न पार्ने, राजनीतिक दलहरुसँगको हाम्रो सहकार्यलाई भंग गर्ने र अदालतमा संसद् पुनस्थापनको वहसलाई कमजोर पार्ने उद्येश्य बोकेको प्रष्ट देख्न सकिन्छ । साथै, आजको आवश्यकता केपी ओली सरकारको वर्हिगमन नै हो र राजनीतिक दलहरुसँगको सहकार्य हो ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता र शक्ति भएपछि न प्रहरी लाग्छ, न अदालत ?
बैशाख ५, २०८१ बुधबार
प्रदेश सरकारमा संकट पार्दै वैकल्पिक गठबन्धन निर्माणमा नेकपा एसको प्रयास
बैशाख ४, २०८१ मंगलबार
सत्ता गठबन्धनमा नेकपा एसको काउण्टर अट्याक, के होला उपनिर्वाचनपछि सरकारको अवस्था ?
बैशाख ३, २०८१ सोमबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
सत्ता र शक्ति भएपछि न प्रहरी लाग्छ, न अदालत ?
नेपालबहस संवाददाता
बैशाख ५, २०८१ बुधबार
आइसीसीको टी-२० वरियतामा दिपेन्द्रको छलाङ
नेपालबहस संवाददाता
बैशाख ५, २०८१ बुधबार
हार्दिक पाण्डेयलाई १२ लाख जरीवाना
बैशाख ७, २०८१ शुक्रबार
विलासी जीवन जिउने विद्या बालनले किन मागिन भिख ?
बैशाख ७, २०८१ शुक्रबार
त्रिभुवन विमानस्थलमा जहाज डिले हुँदा यात्रु मर्कामा, एति एयरलाइन्सको काउण्टरमै नाराबाजी
बैशाख ७, २०८१ शुक्रबार
भारतले रोक्यो नेपाली चियाको निर्यात
बैशाख ७, २०८१ शुक्रबार
संसदीय समितिमा फास्ट ट्रयाकबारे सेनाको बिफ्रिङ
बैशाख ७, २०८१ शुक्रबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
एसीसी प्रिमियर कपको फाइनलमा ओमान र युएई भिड्ने
बैशाख ७, २०८१ शुक्रबार
नेशनल पेमेन्ट गेटवे भ्रष्टाचार प्रकरणमा सुनिल पौडेल दोषी ठहर, ८ जनाले पाए सफाइ
बैशाख ७, २०८१ शुक्रबार
धरौटी बुझाउन नसकेपछि दीपेश पुनलाई जेल पठाइयो
बैशाख ७, २०८१ शुक्रबार