शेयरबजारमा सबैभन्दा धेरै शेयरमूल्य भएका ६ कम्पनी, कुनले कति दिन्छन् लाभांश

२१ जेठ, काठमाडौं । शेयरबजारले उकालो यात्रा तय गर्दा यी ६ कम्पनीको शेयरमूल्य भने उच्च छ । उच्च मूल्य हुने कम्पनीको शिर्ष स्थानमा राष्टिय बीमा कम्पनी रहेको छ । हाल शेयरबजारमा सूचिकृत कम्पनीमध्ये सबैभन्दा उच्च शेयरमूल्य भएको कम्पनी राष्टिय बीमा कम्पनी हो ।

राष्टिय बीमा कम्पनी 

शेयरबजारको दोस्रो बजारमा सबैभन्दा धेरै शेयरमूल्य भएको कम्पनी राष्टिय बीमा कम्पनी रहेको छ । यसदिनसम्म कम्पनीको प्रतिकित्ता शेयरमूल्य २३ हजार रुपैयाँ छ । कम्पनीको शेयरमूल्य २४ हजार ३ सय सम्मको पुगेको थियो । कम्पनीले २०७२/७३ मा शेयरधनीलाई ११४. २७ प्रतिशत लाभांश दिएको थियो ।

युनिलिभर नेपाल

युनिलिभर नेपालको शेयरमूल्य अहिले १९ हजार ८२६ रुपैयाँ छ । जबकी सबैभन्दा उच्च मूल्य हुँदा यो कम्पनीको शेयरमूल्य प्रतिकित्ता ३६ हजार रुपैयाँसम्म पुगेको थियो । कम्पनीले गत वर्षको मुनाफाबाट शेयरधनीलाई १०० प्रतिशत नगद लाभांश घोषणा गरेको थियो ।

साल्ट ट्रेडिंग कर्पोरेशन

उच्च शेयरमूल्य हुनेको तेस्रो स्थानमा उच्च मूल्य रहेको साल्ट ट्रेडिंग कर्पोरेशन रहेको छ । कम्पनीको शेयरमूल्य ११ हजार १०० रुपैयाँ रहेको छ । कम्पनीले गत वर्षको मुनाफाबाट शेयरधनीलाई २५ प्रतिशत लाभांश घोषणा गरेको थियो । जसमा २० प्रतिशत बोनस र ५ प्रतिशत नगद लाभांश रहेको छ ।

बोटलर्स नेपाल तराई

चौथो नम्बरमा बोटलर्स नेपाल तराईको शेयरमूल्य प्रतिकित्ता १० हजार ४९६ रुपैयाँ छ । यो कम्पनीको शेयरमूल्य पनि हालसम्मको उच्च हो । कम्पनीले कम्पनीले गत वर्षको मुनाफाबाट शेयरधनीलाई ५५ नगद लाभांश घोषणा गरेको हो । हालसम्म कम्पनीले सधै नगद लाभांश दिदै आइरहेको छ ।

महिला लघुवित्त

उच्च शेयरमूल्य हुनेमध्येको पाँचौ नम्बरमा महिला लघुवित्त रहेको छ । कम्पनीको शेयरमूल्य प्रतिकित्ता ४७ सय ५२ रुपैयाँ पुगेको छ ।

हिमालयन डिष्टिलयरी

उच्च शेयरमूल्य हुनेमध्येको छैटौं नम्बरमा हिमालयन डिष्टिलरी रहेको छ । कम्पनीको शेयरमूल्य प्रतिकित्ता ४५ सय ३० रुपैयाँ पुगेको छ । कम्पनीले कम्पनीले गत वर्षको मुनाफाबाट शेयरधनीलाई ५० प्रतिशत नगद र ५० प्रतिशत बोनस शेयर गरी १०० प्रतिशत लाभांश घोषणा गरेको हो । पछिल्लो वर्षहरुमा कम्पनीले बोन शेयर र नगद लाभांश दिदै आइरहेको छ ।