पार्टीबाट निलम्बित राष्ट्रिय जनमोर्चाका सांसद थापाद्धारा रिट दायर

२१ जेठ, काठमाडौं । राष्ट्रिय जनमोर्चाका सांसद कृष्ण थापाले सर्वोच्च अदालतमा रिट दायर गरेका छन् । गण्डकी प्रदेशसभा सदस्यबाट पदमुक्त भएका उनले आफ्नो सांसद पद यथास्थितिमा रहनुपर्ने मागसहित अदालतमा रिट दायर गरेका छन् ।

थापाले पार्टी नछोडेको र ह्वीप पनि उल्लंघन नगरेको भनि अदालतमा रिट दायर गरेका छन् । आफूलाई बिनाआधार पार्टीले कारबाही गर्न नहुने भन्दै अदालतमा रिट दायर गरेका छन् ।

अदालतमा दायर गरिएको रिट दर्ता भएको छ । बिहीबार पार्टीले थापालाई पार्टीबाट निष्कासनसँगै प्रदेशसभा बैठकमा सभामुख नेत्रनाथ अधिकारीलाई पत्र पठाइएको थियो । त्यसपछि सभामुख अधिकारीले थापा निष्कानसमा परेको जानकारी गराएका थिए ।

गण्डकी प्रदेशका मुख्यमन्त्री पृथ्वीसुब्बा गुरुङविरुद्ध अविस्वास प्रस्तावमा हस्ताक्षर गर्न पार्टीले ह्विप जारी गरे पनि थापाले अस्विकार गरेका थिए ।त्यसपछि पार्टीले उनलाई बिहीबार संसदबाट निष्कासन गरिएको पत्र सभामखुलाई पत्र पठाइएको थियो । त्यससँगै उनी पार्टीबाट निलम्बित भएका थिए ।