गोर्खाज फाइनान्सको शेयरमूल्य उच्च दरले वृद्धि, प्रतिशेयरमूल्य कति ?
नेपालबहस संवाददाता
जेठ २१, २०७८ शुक्रबार २२:३४:२६
२१ जेठ, काठमाडौं । गोर्खाज फाइनान्स लिमिटेडको शेयरमूल्य एक महीनाको कारोबार अवधिमा ११६ प्रतिशतले वृद्धि भएको छ ।
कम्पनीको शेयरमूल्य वैशाख २० गते प्रतिकित्ता ४७१ रहेकोमा जेठ २० गते प्रतिकित्ता १ हजार २० पुगेको हो । यस हिसाबमा एक महीना अगाडि लगानी गरेर शेयर विक्री गर्ने लगानीकर्ताले सत प्रतिशत भन्दा बढी प्रतिफल प्राप्त गरेका छन् ।
बिहीवार कम्पनीको १ लाख १ हजार ४०५ कित्ता शेयर खरीदविक्री भएको छ । उक्त दिन कम्पनीको शेयरमूल्य सर्किट लेबलमा वृद्धि भएको छ । कम्पनीको शेयरमूल्य अघिल्लो कारोबार दिनको तुलनामा ९ दशमलव ६८ प्रतिशतले वृद्धि भएको हो ।
यस कम्पनीको शेयर केही ठूला लगानीकर्ताले बढाएको देखिन्छ । यसो त यस कम्पनीको वित्तीय अवस्था पनि राम्रो रहेको छ ।
कम्पनीले चालू आवको तेस्रो त्रैमाससम्ममा २७ करोड ३७ लाख ५२ हजार नाफा कमाएको छ । गत आवको तुलनामा चालू आवमा कम्पनीको नाफा २६६ प्रतिशतले वृद्धि भएको हो । कम्पनीले गत आवमा ७ करोड ४६ लाख ५८ हजार नाफा कमाएको थियो ।
चालू आवको तेस्रो त्रैमासमा कम्पनीको खुद ब्याज आम्दानी र सञ्चालन नाफामा वृद्धि भएकाले नाफा बढेको हो । नाफामा वृद्धि भएसँगै कम्पनीको प्रतिशेयर आम्दानीमा पनि वृद्धि भएको छ ।
गत आवमा कम्पनीको प्रतिशेयर आम्दानी ११ दशमलव ४७ रहेकोमा चालू आवमा वृद्धि भएर ४२ दशमलव शून्य ५ पुगेको हो । त्यस्तै, कम्पनीको वितरणयोग्य नाफा २६ करोड २६ लाख ९० हजार रहेको छ । एनएफआरएस प्रणाली अनुसार कम्पनीले यही वितरणयोग्य नाफाबाट लाभांश वितरण गर्ने गर्दछ । यस आधारमा कम्पनीको लाभांश क्षमता ३० दशमलव २६ प्रतिशत रहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपनेप्सेमा सामान्य वृद्धि, हिमालयन उर्जा विकासको शेयरमा सकारात्मक सर्किट !
चैत १५, २०८० बिहिबार
आज नेप्सेमा दोहोरो अङ्कको गिरावट
चैत १४, २०८० बुधबार
प्रि-ओपन सेसनमा नेप्से सामान्य बढ्यो
चैत १४, २०८० बुधबार
८ सय ७७ प्रहरी काजबाट फिर्ता
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
नेपालमा बस्छन ६० देशका अवैतानिक वाणिज्यदूत
चैत १५, २०८० बिहिबार
दैविक प्रकोप उद्वारका सामग्री हस्तान्तरण
चैत १५, २०८० बिहिबार
हवाई टिकटको भ्याट र होटलमा लगाइएको विलासी कर हटाउः महासंघ
चैत १५, २०८० बिहिबार
८ सय ७७ प्रहरी काजबाट फिर्ता
चैत १५, २०८० बिहिबार
चैते धानमा किसानको आकर्षण बढ्दै
चैत १५, २०८० बिहिबार
कर्णाली पुलबाट हाम फालेर बेपत्ता भएका शाहीको शव भेटियो
चैत १५, २०८० बिहिबार