मंगलबार , असार १, २०७८

दुई सातामा विदेशमा थप १३ जना नेपालीको निधन: एनआरएनए 

दुई सातामा विदेशमा थप १३ जना नेपालीको निधन: एनआरएनए 

२४ जेठ, लण्डन । विश्वव्यापी रुपमा फैलिएको कारोना भाइरस ‘कोभिड-१९’ का कारण गत दुई सातमा विदेशमा थप १३ जना नेपालीको निधन भएको छ । गैरआवासीय नेपाली संघ ‘एनआरएनए’ को स्वास्थ्य समितिका संयोजक डा। संजिव सापकोटाका अनुसार अनुसार साउदी अरबमा ७ जना, भारतमा ५, कतारमा १ जना नेपालीको कोरोना भाइरसका कारणले ज्यान गएको हो ।

संघले संकलन गरेको तथ्यांक अनुसार भारत सहित विश्वभर २८ मुलुकमा रहेका ४ सय ३५ जना नेपालीको कोभिड १९ का कारणले निधन भएको छ । गैरआवासीय नेपाली संघ अन्तर्गतको स्वास्थ्य समितिका अनुसार हालसम्म विदेशमा ५४ देशमा १ लाख १० हजार १ सय ९६ जना नेपालीमा कोरोना संक्रमण देखिएको छ । ती मध्ये १ लाख ६ हजार ८ सय २३ हजार नेपाली कोरोनामुक्त भएका छन् ।

Kumari Bank 300x290 new
Global IME Bank Meri unilai
Nepal Life Insurance

हालसम्म विदेशमा कोरोना संक्रमणबाट ९३ प्रतिशत नेपाली मुक्त भएका छन् । संघका अनुसार विगत दुई सातामा भारत, माल्दिभ्स्, साउदी अबर, कतार लगायतका देशमा रहेका नेपालीमा थप कोरोना संक्रमण देखिएको छ ।

यसैबीच नेपालमा हालसम्म ५ लाख ८८ हजार १ सय २४ जना संक्रमित पुगेकोमा ७६ दशमलव ६ प्रतिशत अर्थात ४ लाख ९१ हजार ९ जना संक्रमणमुक्त भएका छन् । संक्रमणका कारण आइतवार सांझसम्म ७ हजार ८ सय ९८ जनाको निधन भएको छ । आइतबार साँझसम्म नेपालमा ६ लाख १ हजार भन्दा बढीमा संक्रमण देखा परेको छ । हालसम्म ४ लाख ९१ हजार ९ जना संक्रमणमुक्त भएका छन् भने ७ हजार ८ सय ९८ जनाको मृत्यु भएको छ ।

गैरआवासीय नेपाली संघले विगत कोरोना भाइरसको महामारी सुरु भए देखि विदेशस्थित नेपाली समुदाय, विदेशमा कार्यरत नेपाली चिकित्सक, नेपाली नियोग, संघसंस्था र संघका शाखाद्धारा प्राप्त सूचनाका आधारमा तथ्यांक संकलन गर्दै आएको छ । डा. सागर पौडेल ‘भारत’, डा. नितेश शर्मा ‘मध्यपूर्व’, डा. बोधराज सुवेदी ‘युरोप’, डा. रुपक श्री ‘माल्दिभ्स’ लगायत विश्वभर २ सय जना चिकित्सकहरुले तथ्यांक संकलनमा सहयोग गरिरहेका छन् ।

यसैबीच समितिले जारी गरेको स्वास्थ्य निर्देशिकालाई अनुशरण गर्न पनि अनुरोध गरिएको छ । यस्तै संक्रमणबाट बच्नका लागि खोप मात्रै अचुक उपाय साबित भइरहेको छ । तर सबैको पहुँचमा खोप पुगिरहेको अवस्था छैन । यस्तोमा एउटै कम्पनीबाट विभिन्न मुलुकमा विकास गरिएका खोपहरुको प्रयोग पनि गर्न सकिने तथ्य आइरहेका छन् । यसर्थ पनि तत्काल खोपको सुनिश्चितता गरी खोपको पहुँच स्थापित गर्नेतर्फ पनि लाग्नुपर्ने समितिले सुझाएको छ ।

अनुरोध

पछिल्लो समय बालबालिकामा कोरोना संक्रमणको जोखिम अत्याधिक देखिएको र स्वास्थ्य विज्ञहरुले पनि नेपालमा तेस्रो र चौथो लहरको चेतावनी दिइरहेका छन् । नेपालमा ८ दशमलव ८ प्रतिशत बालबालिकामा कोरोना संक्रमण पुष्टि भइसकेको छ ।

यसर्थ पनि बालबालिकाको स्वास्थ्य संकट बढ्दो छ । त्यसैले सम्पूर्ण अभिभावकहरुलाई आफू संक्रमणबाट बच्न हरसम्भव स्वास्थ्य सावधानी अपनाउन अनुरोध गर्दछौँ । हालसम्म अमेरिकामा ‘फाइजरको खोप, १२ देखि १५ वर्षसम्मका लागि’ मात्रै बालबालिकाका लागि खोपको आकस्मिक प्रयोगको अनुमति दिइएको छ ।

बालबालिकाको लागि खोपको प्रभावकारिताको विषय अध्ययनकै क्रममा छ । त्यसैले उच्च स्वास्थ्य सावधानी अपनाउनुको विकल्प छैन । अभिभावक आफू बच्ने र आफ्ना सन्तानलाई जोगाउन सचेत हुन समितिले अनुरोध गरेको प्रेस संयोजक चिरन शर्माले बताए ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

मौसम प्रतिकुल हुँदा तत्काल हिमाल आरोहण नगर्न मौसमविद्को सुझाव मौसम प्रतिकुल हुँदा तत्काल हिमाल आरोहण नगर्न मौसमविद्को सुझाव ४ हप्ता पहिले
अभिकर्तालाई कर्जा भुक्तानीमा समय थप गर्ने बीमा समितिको निर्णय अभिकर्तालाई कर्जा भुक्तानीमा समय थप गर्ने बीमा समितिको निर्णय १ हप्ता पहिले
नहरमा फूलेको कमलको फूल नहरमा फूलेको कमलको फूल ३ हप्ता पहिले
माओवादी र कांग्रेस मिल्दा हुने संख्या दूध उम्लिएजस्तै हो: ओली माओवादी र कांग्रेस मिल्दा हुने संख्या दूध उम्लिएजस्तै हो: ओली ४ हप्ता पहिले
हकप्रद शेयर निष्कासन गर्ने निर्णयपछि राधी विद्युत् कम्पनीको शेयरमूल्यमा सर्किट हकप्रद शेयर निष्कासन गर्ने निर्णयपछि राधी विद्युत् कम्पनीको शेयरमूल्यमा सर्किट २ हप्ता पहिले
नाइजेरियामा बन्दुकधारीहरुको आक्रमणमा परी ८८ जनाको मृत्यु नाइजेरियामा बन्दुकधारीहरुको आक्रमणमा परी ८८ जनाको मृत्यु १ हप्ता पहिले
मतदाता रिझाउने कार्यक्रमका लागि बजेटमा आन्तरिक ऋणको सीमा बढाइने मतदाता रिझाउने कार्यक्रमका लागि बजेटमा आन्तरिक ऋणको सीमा बढाइने ३ हप्ता पहिले
अज्ञात समूहद्धारा कपिलवस्तुमा माओवादी नेतामाथि गोली प्रहार अज्ञात समूहद्धारा कपिलवस्तुमा माओवादी नेतामाथि गोली प्रहार ४ हप्ता पहिले