माओवादी केन्द्र विघटनको घोषणा हुन मात्र बाँकी छ: रायमाझी

२५ जेठ, काठमाडौं ।  एमाले नेता टोपबाहदुर रायमाझीले माओवादी केन्द्र विघटनको संघारमा पुगेको र औपचारिक घोषणा हुन मात्र बाँकी रहेको बताएका छन् ।

केही संचारमाध्यममा  रायमाझी पुनः माओवादी केन्द्रमा फर्कने समाचार आएकोमा त्यसप्रति आफ्नो ध्यानाकर्षण भएको जनाउँदै नेता रायमाझीले आफू अहिले केपी ओली नेतृत्वको पार्टीसँग एकता र सहकार्यमा रहेको स्पष्ट पार्दै माओवादी केन्द्र विघटनको औपचारिक घोषणा हुन मात्र बाँकी रहेको बताएका हुन ।

माओवादी केन्द्रको आयु बढाउन आफूहरुलाई माओवादी केन्द्रमा फर्कन चाहेको भनि भ्रमपूर्ण प्रचार गरिएको रायमाझीले आरोप छ ।

कुर्सी मोह, अस्थिरता, परिवारवाद एवं भ्रष्ट आचरणका कारण माओवादी केन्द्रका अध्यक्ष प्रचण्ड राजनीतिक एवं वैचारिक रुपमा नै विचलित भइ सिंगो पार्टीलाई विघटन एवं विसर्जनको दिशामा अघि बढेर काँग्रेस सभापतिको शरणमा पुगेको रायमाझीले विज्ञाप्तिमा उल्लेख गरेका छन ।