अघिकांश सूचक नकारात्मक रहेको नेशनल हाइड्रो पावर कम्पनीको शेयरमूल्य उच्च दरले वृद्धि

२५ जेठ, काठमाडौं । तेस्रो त्रैमासको वित्तीय विवरण अनुसार नेशनल हाइड्रो पावर कम्पनीको अघिकांश सूचक नकारात्मक रहेको छ । अघिकांश सूचक नकारात्मक रहेको कम्पनीको यतिबेला शेयर खरिद माग उच्च हुँदा दैनिक सर्किट लेबलमा कारोबार भइरहेको छ ।

यो साताको पहिलो र दोस्रो कारोबार दिन कम्पनीको शेयरमा सबैभन्दा बढि कित्ता खरिद रहेको हो । सोही काराण कम्पनीको शेयरमा सर्किट लागेको हो ।

यस्तो छ कम्पनीको बित्तीय विवरण

कम्पनीले सार्वजनिक गरेको उक्त विवरण अनुसार तेस्रो त्रैमाससम्ममा ६६ लाख ९२ हजार रुपैयाँ नोक्सानमा रहेको छ । गत वर्ष कम्पनीले १९ लाख २ हजार रुपैयाँ नाफा आर्जन गरेको थियो ।

यता, विद्युत् बिक्रीबाट हुने आम्दानी पनि १९.९७ प्रतिशतले घटेर २ करोड ८४ लाख रुपैयाँमा सीमित छ । गत वर्षको सोहि अवधिमा कम्पनीले विद्युत् बिक्रीबाट ३ करोड ५५ लाख रुपैयाँ नाफा कमाएको थियो ।

हाल चुक्ता पुँजी १ अर्ब ३८ करोड ५९ लाख ११ हजार रुपैयाँ रहेको कम्पनीको जगेडा कोष भने ३३ करोड २९ लाख रुपैयाँ ऋणात्मक रहेको छ । कम्पनीको वार्षिकृत प्रतिसेयर आम्दानी २ रुपैयाँ १५ पैसा र प्रतिसेयर नेटवर्थ ७५ रुपैयाँ ९७ पैसा रहेको छ ।

कम्पनीले सार्वजनिक गरको वित्तीय विवरण हेर्नुहोस्