एक दर्जन कम्पनीको शेयरमूल्य उच्च दरमा वृद्धि

२५ जेठ, काठमाडौं । साताको तेस्रो कारोबार दिन मंगलवार बजार खुलेको आधा घण्टामा एक दर्जन कम्पनीको शेयरमूल्य उच्च दरमा वृद्धि भएको छ । यस अवधिमा ९ फाइनान्ससहित १३ कम्पनीको शेयर उच्च दरले वृद्धि भएको हो ।

यस अवधिमा श्री इन्भेष्टमेन्ट फाइनान्सको शेयरमूल्यमा सर्किट लागेको हो । यस अवधिमा पोखरा फाइनान्स र आईसीएफसी फाइनान्सको सकारात्मक सर्किछ लागेर कारोबार भएको हो । त्यस्तै, गुडवील फाइनान्स कम्पनी, रिडी हाइड्रोपावर कम्पनी र गुहेश्वरी मर्चेण्ट बैंकिङ एण्ड फाइनान्स, गोखार्ज फाइनान्स, रिलायन्स फाइनान्स, मन्जुश्री फाइनान्स, जानकी फाइनान्सको शेयरमूल्यमा उच्च दरले वृद्धि भएको हो ।

त्यसैगरी रिडी हाइड्रोपावरको शेयर मूल्य ९ दशमलव ८५ प्रतिशत वृद्धि भएको छ । कम्पनीको शेयर मूल्य प्रतिकित्ता ५२४ पुगेको हो ।
यी १३ ओटै कम्पनीको शेयरमा विक्रेताभन्दा क्रेता धेरैभएकाले शेयर मूल्यमा वृद्धि भएको हो ।