हिमाल दोलखा हाइड्रोपावरको मुनाफा ११ लाख ३३ हजार, नेटवर्थ कति ?

२५ जेठ, काठमाडौं । हिमाल दोलखा हाइड्रोपावर कम्पनी लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार कम्पनीले चैत मसान्तसम्ममा ११ लाख ३३ हजार रुपैयाँ मुनाफा आर्जन गरेको छ।

सो अवधिसम्ममा कम्पनीले विद्युत बिक्रीबाट ११ करोड ८३ लाख ७४ हजार रुपैयाँ आम्दानी गरेको छ। यससँगै कम्पनीको कुल आम्दानी ९ करोड ८६ लाख ५५ हजार रुपैयाँ पुगेको छ। कम्पनीको सञ्चालन मुनाफा ९ करोड ४१ लाख ८४ हजार रुपैयाँ रहेको छ।

१ अर्ब ६० करोड रुपैयाँ चुक्ता पूँजी रहेको यस कम्पनीको शेयरधनी कोष २२ करोड ८८ लाख रुपैयाँ ऋणात्मक रहेको छ।

चैत मसान्तसम्ममा कम्पनीको प्रतिशेयर आम्दानी ९ पैसा रहेको छ। त्यसैगरी, कम्पनीको प्रतिशेयर नेटवर्थ ८५ रुपैयाँ ७० पैसा रहेको छ। पछिल्ला केही दिन कम्पनीको शेयर खरिद माग उच्च रहेको थियो । यस दिनसम्म कम्पनीको प्रतिकित्ता शेयरमूल्य २८२ रुपैयाँ पुगेको छ ।