नेप्से परिसूचक ३००० विन्दू नजिक

२५ जेठ, काठमाडौं । जेठ २५ गते मंगलबार नेप्से परिसूचक करिब ३ हजार विन्दू नजिक पुगेको छ ।

यस दिन नेप्से परिसूचक ३ हजार नजिक पुग्न लाग्दा कारोबार भने १२ अर्ब २६ करोड बराबरको भएको छ ।

दिनैपिच्छे नेप्से कारोबार र इन्डेक्स दुबैले नयाँ रेकर्ड कायम गर्न सफल भएसँगै नेप्से ३ हजार विन्दू नजिक पुगेको हो ।

यतिबेला बजारमा नयाँ लगानीकर्ता उल्लेख्य मात्रामा बढिरहेका छन् । निषेधाज्ञाका कारण अन्यन्त्र लगानीको उपयुक्त क्षेत्र नहुँदा नयाँ लगानीकर्ता शेयरबजारमा भित्रिएकै कारण नेप्सेले नयाँ उचाई कायम गरेको विश्लेषक बताउँछन् ।

विज्ञहरुले अझौ नेप्से बढ्दै जाने बताउँदै आईरहेका छन् ।