संवैधानिक इजलाशको आज पेशी तोकियाे

२६ जेठ, काठमाडौं । प्रतिनिधिसभा विघटनविरुद्ध मुद्दाको सुनुवाइका लागि आज संवैधानिक इजलाश तोकिएको छ । सोमबार प्रधानन्यायाधीश अस्वस्थ रहेको भन्दै इजलाश नतोकेर सुनुवाइ स्थगित भएको थियो ।

मंगलबार पनि उक्त मुद्दाको सुनुवाइका लागि संवैधानिक इजलाश तोकिएको थिएन । आजको सुनुवाइमा प्रश्न उठेका न्यायाधीशहरू दीपककुमार कार्की र डा. आनन्दमोहन भट्टराईले आफ्नो राय पेस गर्ने तयारी गरेका छन्।

प्रतिनिधिसभा विघटनविरुद्ध सर्वोच्च अदालतमा ३० वटा रिट निवेदन दर्ता भएका छन् । जेठ १४ गतेबाट संवैधानिक इजलाशमा सुनुवाइ सुरु भए पनि अहिलेसम्म मुद्दाको मूल विषयमा बहस अघि बढ्न सकेको छैन।

रिट निवेदक पक्ष र सरकारी पक्षले इजलाश गठनका विषयमा पटक-पटक मुद्दा उठाएपछि प्रक्रिया अघि बढ्न नसकेको हो।