बुधबार , असार २, २०७८

५० प्रतिशत अनुदानमा किसानलाई हाते ट्र्याक्टर वितरण

५० प्रतिशत अनुदानमा किसानलाई हाते ट्र्याक्टर वितरण

२६ जेठ,कास्की । कृषि व्यवसायमा यान्त्रिकीकरणको माध्यमबाट न्यून लागतमा उत्पादन वृद्धिको योजनासहित कास्कीको मादी गाउँपालिकाले व्यावसायिक किसानलाई हातेट्र्याक्टर वितरण गरेको छ ।

गाउँपालिकाले चालु आर्थिक वर्षको कृषितर्फको स्वीकृत कार्यक्रमअन्तर्गत पहिलो चरणमा मङ्गलबार कृषकसँगको ५० प्रतिशत लागत साझेदारीमा अनुदानमा २४ वटा हातेट्र्याक्टर वितरण गरेको हो । गाउँपालिकाको १ देखि १२ वडाका कृषक, कृषक समूह तथा कृषि व्यवसायमा संलग्न सङ्घ संस्थाबाट प्रस्ताव आह्वान गरिएकामा ६१ जनाले माग गरेका थिए । पहिलो चरणमा ‘सात हर्सपावर’का २४ वटा ट्र्याक्टर कृषकलाई उपलब्ध गराइएको गाउँपालिकाका अध्यक्ष वेदबहादुर गुरुङले जानकारी दिए । प्रति ट्र्याक्टर रु ५४ हजार मूल्यमा कृषकहरूले ५० प्रतिशत साझेदारी गरेका छन् ।

Kumari Bank 300x290 new
Global IME Bank Meri unilai
Nepal Life Insurance

अध्यक्ष गुरुङका अनुसार कृषकको व्यावसायिक योजनाको मूल्याङ्कनका आधारमा थप १७ कृषकलाई दोस्रो चरणमा ट्र्याक्टर वितरणको योजना छ । जमीन खनजोतका लागि गोरु पाल्न कृषकले झन्झट मान्ने र लागत बढी हुँदा पछिल्लो समय कृषकहरू हातेट्र्याक्टरतर्फ आकर्षित छन् ।

गाउँपालिकाले कृषिको विकासलाई प्राथमिकतामा राखेको बताउँदै अध्यक्ष गुरुङले भने, “कृषि व्यवसायलाई समयानुकूल परिर्वतन गर्दै यान्त्रिकीकरण र आधुनिकीकरणका माध्यमबाट अधिकतम उत्पादन बढाउँदै रोजगारी सिर्जना र स्वरोजगार अभिवृद्धिको योजना छ । समृृद्ध मादी निर्माणका लागि कृषि, पर्यटन, जलस्रोत, वन, पूर्वाधारसहित समन्यायिक समृद्धिलाई जोड दिएका छौँ ।”

कृषि क्षेत्रको आधुनिकीकरण यान्त्रिकीकरण, विशिष्टीकरण, व्यावसायीकरण र बजारीकरण गरी उत्पादन र उत्पादकत्व वृद्धिमा जोड दिने नीति गाउँपालिकाले लिएको बताइन्छ । हाते ट्र्याक्टरसहित थ्रेसर, असिना छेक्ने जाली, प्लाष्टिक टनेललगायतका कृषि औजार उपकरणमा अनुदान दिने कार्यक्रम कृषितर्फ रहेको गाउँपालिकाका प्रमुख प्रशासकीय अधिकृत नारायणप्रसाद सापकोटाले जानकारी दिए ।

उनले भने, “असिना छेक्ने जाली कृषकलाई उपलब्ध गराइसकेका छौँ भने प्लाष्टिक टनेल प्रदान गर्न बोलपत्र आह्वानलगायतका प्रक्रिया अघि बढाएका छौँ, छिट्टै मागका आधारमा कृषकलाई उपलब्ध गराउने छौँ ।”

 

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

बिर्तामोडमा फोहोर व्यवस्थापनको जिम्मा निजी क्षेत्रलाई बिर्तामोडमा फोहोर व्यवस्थापनको जिम्मा निजी क्षेत्रलाई २ दिन पहिले
वाग्मती प्रदेशमा कोभिड खोप लगाउन दुई अर्ब बजेट विनियोजन [ पूर्णपाठ ] वाग्मती प्रदेशमा कोभिड खोप लगाउन दुई अर्ब बजेट विनियोजन [ पूर्णपाठ ] १९ घण्टा पहिले
पदयात्रा मजदुरलाई खाद्यान्न वितरण पदयात्रा मजदुरलाई खाद्यान्न वितरण ६ दिन पहिले
ज्वाला र नैना थपिदा ओलीको मन्त्रिमण्डलमा २० प्रतिशत महिला प्रतिनिधित्व   ज्वाला र नैना थपिदा ओलीको मन्त्रिमण्डलमा २० प्रतिशत महिला प्रतिनिधित्व   ६ दिन पहिले
एक्सल डेभलपमेन्ट बैंकले हकप्रद निष्कासनका लागि अनुमति माग्दै बोर्डमा दियो आवेदन एक्सल डेभलपमेन्ट बैंकले हकप्रद निष्कासनका लागि अनुमति माग्दै बोर्डमा दियो आवेदन २ दिन पहिले
मदनभण्डारी प्रतिष्ठानलाई स्नातकसम्म अध्यापन गर्ने अनुमति मदनभण्डारी प्रतिष्ठानलाई स्नातकसम्म अध्यापन गर्ने अनुमति २४ घण्टा पहिले
देश प्रेमले ओतप्रोत गजल यो शिर झुकेको छैन ! देश प्रेमले ओतप्रोत गजल यो शिर झुकेको छैन ! ४ दिन पहिले
म्यान्मारमा विरोध प्रदर्शनमा उत्रिएका थप ६३८ जना गिरफ्तार म्यान्मारमा विरोध प्रदर्शनमा उत्रिएका थप ६३८ जना गिरफ्तार ५ दिन पहिले