आइतबार , असार ६, २०७८

मनसुन शुरु भएसँगै विपद व्यवस्थापनको पूर्वतयारी

मनसुन शुरु भएसँगै विपद व्यवस्थापनको पूर्वतयारी

२७ जेठ, मनाङ । बङ्गालको खाडीमा विकसित भएको जलवायुको प्रभाव र शक्तिशाली चक्रवात पश्चात् अहिले मनसुन पनि शुरु भइसकेको छ । मनसुन शुरु भएसँगै राष्ट्रिय विपद जोखिम न्यूनीकरण तथा व्यवस्थापन प्राधिकरणले वर्षामा हुनसक्ने सम्भाव्यताको न्यूनीकरणमा जुटेको छ ।

जिल्लावासीलाई सुरक्षित र विपद् न्यूनीकरणका लागि मनाङ जिल्ला विपद् व्यवस्थापन समितिले पनि पूर्वतयारी थालेको छ । वर्षाको समयमा बाढी पहिरो जस्ता प्राकृतिक विपद आइपर्ने हुँदा जोखिम न्यूनीकरणको पूर्वतयारी थालिएको प्रमुख जिल्ला अधिकारी विष्णुप्रसाद लामिछानेले बताए ।

Kumari Bank 300x290 new
Global IME Bank Meri unilai
Nepal Life Insurance

“प्राकृतिक विपद्बाट जिल्लामा धेरै क्षति हुनबाट जोगाउनका लागि पूर्वतयारी थालिसकेका छौँ’, लामिछानेले भने । उनका अनुसार राष्ट्रिय विपद् जोखिम न्यूनीकरण तथा व्यवस्थापन प्राधिकरणले यस वर्ष वर्षायाममा बढी जोखिम हुनसक्ने पूर्वानुमान गरिसकेकोले सचेत हुनुपर्ने भन्दै तयारी थालेको हो ।

प्राधिकरणको निर्देशनअनुरूप यसपालि यस अवधिमा बढी वर्षा हुनसक्ने भएकाले बाढी, पहिरोको घटनाको प्रतिकार्यका लागि जिल्लाभित्रका चार वटै गाउँपालिकासँग समन्वय गरेर तयारी थालिएको उनले बताए। “विपद्को अवस्थामा उद्धारमा खट्ने जनशक्ति तयार भइसकेको छ, वर्षायाम शुरु भइसकेको छ, उद्धारमा खटिने जनशक्तिलाई विश्वव्यापी फैलिएको कोभिड–१९ बाट जोगाउनुपर्ने अवस्था छ, उनीहरुलाई स्वस्थ कसरी राख्ने भन्ने चुनौती थपिएको छ”, उनले भने ।

विगतमा भन्दा हाल स्थानीय सरकारलाई बढी स्वामित्व हस्तान्तरण भएकाले पालिकाहरु सचेत हुन आवश्यक रहेको उनको भनाइ छ । त्यसका लागि स्थानीय तहसँग समन्वय, सहकार्यका लागि अद्यावधिक भएको उनले बताए । अहिले विपद् व्यवस्थापन गर्ने पहिलो पक्ष स्थानीय सरकार भएकोले पालिकाहरुले विपद्को पूर्वतयारीका काम गरिरहेको उनले बताए ।

विपद्मा उद्धारमा खटिने जनशक्तिका लागि कोरोना विरुद्धको खोपको व्यवस्थापन गर्नेबारे सम्बन्धित स्थानीय तहमा छलफल भइरहेको पनि उनले जानकारी दिए । प्राधिकरणले यसपालिको वर्षायाममा धेरै पानी पर्ने पूर्वानुमान गरिसकेकाले हिमाली जिल्लाहरुमा बढी क्षति हुनसक्ने भन्दै सबै स्थानीय तहले सतर्कता अपानएका छन ।

यस्तै जिल्लाका चार वटै स्थानीय तहले जोखिमयुक्त क्षेत्रको पहिचान गरी व्यवस्थापनमा लागिपरेको नासों गाउँपालिकाका अध्यक्ष चन्द्र घलेले बताए । “आमनागरिकको जीवन रक्षाका लागि गाउँपालिका सचेत छ”, घलेले भने । बङ्गालको खाडीमा विकसित भएको जलवायुको प्रभाव र शक्तिशाली चक्रवातले यही जेठ १४ गते आएको बाढीले एक पालिका र अर्को पालिका बीचको आवतजावतमा समेत समस्या सिर्जना गरिसकेको उनले बताए ।

त्यस्ता समस्या दोहोरिन नदिनेतर्फ पनि पालिकाहरु सचेत भएको चामे गाउँपालिकाका अध्यक्ष लोकेन्द्रबहादुर घलेले बताए । “औषधिलगायत अत्यावश्यक सामग्री ढुवानीका लागि समस्या भइरहेकाले पालिकाहरु बीच छलफल गरी दबाब दिइरहेका छौँ, तर काम पूरा भएको छैन”, उनले भने।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

भोलिबाट पत्रकार महासंघले अनुगमन गर्ने भोलिबाट पत्रकार महासंघले अनुगमन गर्ने ४ घण्टा पहिले
तपाईकाे साप्ताहिक राशीफल [ असार ०६ गते आइतबारदेखी असार १२ गते शनिबारसम्म ] तपाईकाे साप्ताहिक राशीफल [ असार ०६ गते आइतबारदेखी असार १२ गते शनिबारसम्म ] १३ घण्टा पहिले
कृषकहरुलाई ब्यवसायिक बनाउन नगरपालिका प्रतिबद्ध: उपप्रमुख तिवारी कृषकहरुलाई ब्यवसायिक बनाउन नगरपालिका प्रतिबद्ध: उपप्रमुख तिवारी २४ घण्टा पहिले
इरानको नयाँ राष्ट्रपतिमा ६२ प्रतिशत मत ल्याएर इब्राहिम निर्वाचित इरानको नयाँ राष्ट्रपतिमा ६२ प्रतिशत मत ल्याएर इब्राहिम निर्वाचित १० घण्टा पहिले
स्थानीय तथा व्यवसायीहरु सुरक्षित स्थानतर्फ सामान सार्दै स्थानीय तथा व्यवसायीहरु सुरक्षित स्थानतर्फ सामान सार्दै २ घण्टा पहिले
मनसुन सुरु भएसँगै खेत रोप्न धानको बीउ उखेल्दै किसान मनसुन सुरु भएसँगै खेत रोप्न धानको बीउ उखेल्दै किसान ८ घण्टा पहिले
युरोकप फुटबलमा पोर्चुगलमाथि जर्मनीको सानदार जित युरोकप फुटबलमा पोर्चुगलमाथि जर्मनीको सानदार जित १९ घण्टा पहिले
अब सामाजिक संजालबाट पनि प्रडक्ट मार्केटिङ गर्न सकिने अब सामाजिक संजालबाट पनि प्रडक्ट मार्केटिङ गर्न सकिने २३ घण्टा पहिले