रैराङको संस्थापक शेयर कारोबार खुल्ला, तेस्रो त्रैमासको इपीएस र नेटवर्थ पनि सुधारियो

२७ जेठ, काठमाडौं । रैराङ हाइड्रोपावर डेभलपमेन्ट कम्पनीको संस्थापक शेयर पनि कारोबारका लागि खुला भएको छ ।

कम्पनीको संस्थापक शेयर रोक्का रहने अवधि पूरा भएपछि कारोबारका लागि खुला भएको हो । आइपीओ बाँडफाँट मितिबाट ३ वर्ष पूरा भएकाले अब संस्थापक शेयर पनि सर्वसाधारण सरह कारोबार गर्न सकिने रैराङले जानकारी गराएको छ ।

यता, तेस्रो त्रैमासको वित्तीय विवरणमा प्रतिशेयर आम्दानी र नेटवर्थ गलत भएकाले सच्याइएको पनि कम्पनीले जानकारी गराएको छ । वित्तीय विवरणमा प्रतिशेयर आम्दानी ९ रुपैयाँ १७ पैसा हुनुपर्नेमा भुलबस १३ रुपैयाँ ३ पैसा भएको कम्पनीले जनाएको छ ।

यस्तै, प्रतिशेयर नेटवर्थ १०९ रुपैयाँ ८ पैसा हुनुपर्नेमा २०० रुपैयाँ भएकाले सच्याइएको जानकारी गराएको छ ।