ज्वाला र नैना थपिदा ओलीको मन्त्रिमण्डलमा २० प्रतिशत महिला प्रतिनिधित्व  

२७ जेठ, काठमाडौं ।  प्रधानमन्त्री केपी ओलीले आज पूर्णता दिएको मन्त्रिपरिषदमा महिला मन्त्रीहरुको उपस्थिति २० प्रतिशत पुगेको छ ।कुल २५ सदस्यीय मन्त्रिपरिषद्मा ५ जना महिला मन्त्री राखिएको छ । जसमा तीन जना फुल मन्त्री छन् २ जना महिला राज्यमन्त्री बनेका छन् ।

मन्त्रीमण्डमा राम बहादुर थापा बादल पत्नी नैनकाला थापा संचार तथा सूचना प्रविधि मन्त्री, ज्वालाकुमारी शाह कृषि तथा पशुपन्छि विकास मन्त्री र चन्दा चौधरी महिला बालबालिका तथा जेष्ठ नागरिक मन्त्रीको रुपमा रहेका छन् ।

यसै गरी आशा कुमारी विका र रेनुका गुरुङ्ग भने राज्यमन्त्री बनेकी छिन । यो पूर्ण मन्त्रिपरिषद्को २० प्रतिशत संख्या हो । राज्यका हरेक निकायमा ३३ प्रतिशत महिला पुर्याउने बताउदै आएका प्रधानमन्त्रीले आफ्नै मन्त्रिपरिषदमा त्यो संख्षा भने पुर्याउन भने सकेनन् ।

त्यसै गरी ओलीको मन्त्रीपरिषदमा रहेका अधिकांश मन्त्रीहरु प्रदेश नम्बर २ का रहेका छन् । प्रधानमन्त्री ओलीले कुलमन्त्री परिषदको आधा भन्दा बढी १४ जना प्रदेश नम्बर २ बाट मात्र मन्त्री बनाएका छन्। जुन ५६ प्रतिशत हो। यसै गरी दुई उपप्रधानमन्त्री सहित मन्त्रिमण्डलमा ४० प्रतिशत भन्दा बढी मधेशीको प्रतिनिधित्व रहेको छ ।