उद्योग वाणिज्य संघद्धारा स्वास्थ्य सामग्री सहयोग

२७ जेठ,दमौली । कोभिड सङ्कटमा सामाजिक उत्तरदायित्व वहन गर्दै तनहुँ उद्योग वाणिज्य संघले जिल्लाका विभिन्न पालिका, अस्पताल र सुरक्षाकर्मीलाई स्वास्थ्य सामग्री वितरण गरेको छ । संघले खडा गरेको कोभिड सङ्कट व्यवस्थापन महाअभियान अन्तर्गत रु दश लाख बराबरको सहयोग गरेको हो ।

संघले रु तीन लाखबाट शुरुआत गरेको कोषमा हालसम्म रु ११ लाख सङ्कलित छ । देश तथा विदेशबाट शुभेच्छुकहरुबाट सहयोग जुट्ने क्रम जारी रहेको सङ्घकाअध्यक्ष पविन्द्र श्रेष्ठले जानकारी दिए ।

संघले व्यास नगरपालिका, म्याग्दे, ऋषिङ, आँबुखैरेनी गाउँपालिका सहित बन्दीपुर, पुरनडिही , दमौली अस्पताल, जिपी कोइराला श्वासप्रश्वास उपचार केन्द्रलाई अक्सिजन सिलिन्डर सहित स्वास्थ्य सामग्री वितरण गरेको छ भने कालीभञ्जन गण ९इ० र नेपाल पत्रकार महासङ्घ जिल्ला शाखाका लागि पनि स्वास्थ्य सामग्री उपलब्ध गराएको छ ।

स्वास्थ्य सामग्री वितरण अभियान जारी रहेको उनले बताए । ती पालीका तथा अस्पताललाई आवश्यक अक्सिजन सिलिन्डर, पिपिई, अक्सिमिटर, फेसशिल्ड, हेडक्याप, थर्ममिटर, मास्क, स्यानिटाइजर, डस्टविन, गमबुट लगायतका सामग्री उपलब्ध गराइएको हो ।