आइतबार , असार ६, २०७८

निषेधाज्ञामा सडक, नालीका योजना धमाधम

निषेधाज्ञामा सडक, नालीका योजना धमाधम

२८ जेठ, बागलुङ । मर्मत अभावमा जीर्ण बनेका बागलुङ नगर क्षेत्रका सडकको सुधारलाई तीव्रता दिइएको छ । सडक बोर्ड नेपाल र नगरपालिकाको लागत साझेदारीमा सडक मर्मत सुधारको काम भइरहेको हो ।

निषेधाज्ञाबीच पहिलो चरणमा सदरमुकामभित्रका सडकमा काम भइरहेको नगरपालिकाले जनाएको छ । चालु आर्थिक वर्षभित्र १४ वटै वडाका पक्की सडकमा मर्मत सुधारको काम हुने इञ्जीनियर मनोज शर्माले बताए।

Kumari Bank 300x290 new
Global IME Bank Meri unilai
Nepal Life Insurance

उनका अनुसार यस योजनाका लागि बोर्डको रु ९२ लाखमा नगरपालिकाको ३५ प्रतिशत थप लागत परेको छ । बोलपत्रमार्फत आरएस निर्माण सेवाले कामको जिम्मा पाएको थियो । “बजारपछि ग्रामीण भेगका सडकको मर्मत शुरु हुन्छ”, इञ्जीनियर शर्माले भने ।

यसअघि कालोपत्र भएर पनि भत्केका, खाल्डाखुल्डी परेका सडकको मात्र मर्मत गरिने निर्माण व्यवसायी राजिन खड्काले बताए । “क्षतविक्षत नै भएको, धेरै बिग्रेको ठाउँमा कालोपत्र नै हुन्छ, कतै खाल्डाखुल्डी पुरेर सामान्य मर्मत मात्र गरिन्छ”, उनले भने । वडा नं २ को अदालतचोकबाट–धवलागिरि अस्पताल र गोदामघरबाट सिर्जनाटोलसम्मको सडक कालोपत्र भइसकेको छ । बेलैमा मर्मत नहुँदा ती सडक जीर्ण बनेका थिए । कालोपत्र भत्केर सडकभरि खाल्डैखाल्डा थिए । गोल्डेनगेट चोक, ट्राफिक चोकको घुम्तीबाट मगर सङ्घको कार्यालय जोड्ने सडक पनि मर्मतकै चरणमा छ ।

वडाध्यक्ष जीवन आचार्यले सदरमुकामका भित्री सडक, चोक सुधारले पनि गति लिएको बताउनुभयो । “वडा नं २ भित्र मात्रै झण्डै रु ५० लाख बजेटबाट यो काम हुँदैछ”, उनले भने, “कुनै सडक बोर्डअन्तर्गत कुनै वडास्तरका योजना छन् ।” यसअघि पनि सडक विस्तार, मर्मत, जीर्ण पाल, तार हटाउनेलगायत बजार व्यवस्थापनका काम गरिएको वडाध्यक्ष आचार्यले बताए ।

गत वर्ष भूपि शरेचनचोक–किरानाटोल, धवलागिरि बहुमुखी क्याम्पसको पश्चिम गेटबाट गोल्डेनगेट चोक र वीरेन्द्र–ऐश्वर्य उद्यान आसपासको सडक चौडा पारिएको थियो । सडक विस्तारपछि घन्चमन्च सवारी गुड्ने, मोडिन नसकी बस÷ट्रक चोकमै अड्कने स्थितिबाट केही छुट्कारा मिलेको छ । सडक फराकिलो बन्दा पैदलयात्रीको आउजाउ पनि सहज उन्मुख छ । वडा नं ३ की वडाध्यक्ष लक्ष्मी बाँस्कोटाले कोरोना महामारीका कारण जारी निषेधाज्ञाबीच पनि सार्वजनिक निर्माणका काम नरोकिएको बताए । आव आखिरतिर आएकाले पनि योजनाको काम बेलैमा सक्नुपर्ने स्थिति छ । “धेरै सडक, नालीका योजना छन्, अहिले धमाधम काम भइरहेको छ”, उनले भने ।

निर्वाचन क्षेत्र विकास कार्यक्रमअन्तर्गत गहतेबाट बोक्सेको खाल्डोसम्म सडक कालोपत्रका लागि पूर्वाधार तयारीको काम भइरहेको उनको भनाइ छ । उक्त योजनाका लागि रु ५० लाख बजेट छ । सडक मर्मत सुधार योजनाले वर्षेनी निरन्तरता पाएपछि बागलुङ बजारले क्रमशः मुहार फेर्दैछ । बजार व्यवस्थापन र यसको सौन्दर्यीकरणमा नगरपालिकाले लगानी बढाउँदै लगेको छ ।

जिल्लाका अन्य स्थानीय तह पनि यतिबेला चालु योजनाको कार्यान्वयनसँगै आउँदो आवका लागि योजना छनोटको तयारीमा जुटेका छन् । महामारीका कारण बस्तीस्तरमा पुगेर तर्जुमा गर्न नसकिने भएपछि वडा कार्यालयहरूले फोन या अरु माध्यमबाट योजना टिपाउन÷पठाउन आग्रह गरेका छन् । असार १० गते सबै स्थानीय तहले बजेट सार्वजनिक गर्नुपर्ने व्यवस्था छ । रासस

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

निर्वाचन टुँग्गो छैन, आयुक्तहरुको सुविधा र भत्ता बढाइयो निर्वाचन टुँग्गो छैन, आयुक्तहरुको सुविधा र भत्ता बढाइयो २ दिन पहिले
कलाकार घिमिरेको उपचारका लागि बैंक खाता सञ्चालन कलाकार घिमिरेको उपचारका लागि बैंक खाता सञ्चालन ५ दिन पहिले
अवैध दोहन हुने क्रम नरोकिएपछि ‘कालीगण्डकी सभ्यता बचाऔँ अभियान’मा युवा सक्रियता अवैध दोहन हुने क्रम नरोकिएपछि ‘कालीगण्डकी सभ्यता बचाऔँ अभियान’मा युवा सक्रियता ११ घण्टा पहिले
देशभरका ७५ जिल्लामा निषेधाज्ञा जारी, केही जिल्लामा असार १५ गतेसम्म थपियो देशभरका ७५ जिल्लामा निषेधाज्ञा जारी, केही जिल्लामा असार १५ गतेसम्म थपियो ३ दिन पहिले
तीन लघुवित्तको शेयर लिलामी, कुनको कति ? तीन लघुवित्तको शेयर लिलामी, कुनको कति ? ८ घण्टा पहिले
चामेबजार नजिकै थुनिएको मस्र्याङ्दी नदी चामेबजार नजिकै थुनिएको मस्र्याङ्दी नदी ६ घण्टा पहिले
निरन्तरको वर्षाका कारण बागलुङमा ४१ घर परिवार विस्थापित निरन्तरको वर्षाका कारण बागलुङमा ४१ घर परिवार विस्थापित २ दिन पहिले
एनआईसी एशिया बैंकको स्वामित्वमा रहेको ४ लाख कित्ता शेयरमा आवेदन दिने अन्तिम दिन आज एनआईसी एशिया बैंकको स्वामित्वमा रहेको ४ लाख कित्ता शेयरमा आवेदन दिने अन्तिम दिन आज ६ दिन पहिले
आईपीओ निष्कासन गर्ने तयारीमा रहेको मानुषी लघुवित्तको कस्तो छ वित्तीय अवस्था ? आईपीओ निष्कासन गर्ने तयारीमा रहेको मानुषी लघुवित्तको कस्तो छ वित्तीय अवस्था ? ३ हप्ता पहिले
प्राथमिक स्वास्थ्य केन्द्रलाई स्वास्थ्य सामग्री हस्तान्तरण प्राथमिक स्वास्थ्य केन्द्रलाई स्वास्थ्य सामग्री हस्तान्तरण ६ दिन पहिले
हकप्रद निष्कासनको तयारीमा रहेको राधी विद्युत शेयरमूल्यमा गिरावट, प्रतिशेयरमूल्य कति ? हकप्रद निष्कासनको तयारीमा रहेको राधी विद्युत शेयरमूल्यमा गिरावट, प्रतिशेयरमूल्य कति ? २ हप्ता पहिले
श्रीमतीलाई कुटपिट गरी हत्या गरेको आरोपमा श्रीमान पक्राउ श्रीमतीलाई कुटपिट गरी हत्या गरेको आरोपमा श्रीमान पक्राउ ४ हप्ता पहिले
निषेधाज्ञामा तस्कर र शिकारी गर्नेको बिगबिगी निषेधाज्ञामा तस्कर र शिकारी गर्नेको बिगबिगी ४ हप्ता पहिले
तिला गाउँपालिकामा आइसोलेशन सेन्टर तिला गाउँपालिकामा आइसोलेशन सेन्टर ४ हप्ता पहिले
संसद विघटनविरुद्धको मुद्धा हेर्दाहेर्दैमा संसद विघटनविरुद्धको मुद्धा हेर्दाहेर्दैमा ३ हप्ता पहिले
भारतका चर्चित टेलिभिजन अभिनेता बलात्कारको आरोपमा पक्राउ भारतका चर्चित टेलिभिजन अभिनेता बलात्कारको आरोपमा पक्राउ २ हप्ता पहिले