मंगलबार , असार ८, २०७८

राष्ट्रिय कार्यसूचीमा साझा धारणा बनाउन सभामुखको आग्रह

राष्ट्रिय कार्यसूचीमा साझा धारणा बनाउन सभामुखको आग्रह

२८ जेठ, काठमाडौं । सभामुख अग्निप्रसाद सापकोटाले दलहरुलाई राष्ट्रिय कार्यसूचीमा साझा धारणा बनाएर सहमति, सहकार्यका साथ अगाडि बढ्न आग्रह गरेका छन् । विघटित प्रतिनिसभामा प्रतिनिधित्व गर्ने प्रमुख राजनीतिक दलका शीर्ष नेतासँग आज संघीय संसद भवन नयाँ बानेश्वरमा आयोजित छलफलमा सभामुख सापकोटाले संविधानले नै अर्को निर्वाचन नभएसम्म सभामुख रहने व्यवस्था गरेकाले आफू संविधानको परिधिमा रहेर काम गर्ने बताए

उनले संसारभरको मान्यता, सिद्धान्तअनुसार अर्को निर्वाचन नहुँदासम्म सभामुख रहने तथा जनताका प्रतिनिधिका आवाज संसद्मा आउने र सभामुखमा केन्द्रित रहने तथ्यलाई सभामुखले उल्लेख गरेको उनका प्रेसविज्ञ श्रीधर न्यौपानेले जानकारी दिए।

Kumari Bank 300x290 new
Global IME Bank Meri unilai
Nepal Life Insurance

छलफलमा सभामुखले प्रतिनिधिसभा अकारण पटक पटक विघटन भएको बताउँदै पछिल्लो पटक त वर्षे अधिवेशनको आवश्यक तयारी भइरहेका समयमा नै विघटन भएकामा असन्तुष्टि व्यक्त गरे । आफूले पूर्वसभामुख, कानून व्यवसायी र सञ्चारकर्मीसँग निरन्तर संवाद गरिरहेको भए पनि राजनीतिक दलका शीर्षस्थ नेतृत्वसँग समसामयिक विषयमा छलफलका लागि आफूले निम्त्याएको उनले बताए ।

छलफलमा नेपाली कांग्रेसका सभापति देउवा, नेकपा ‘माओवादी केन्द्र’का अध्यक्ष पुष्पकमल दाहाल प्रचण्ड, पूर्वप्रधानमन्त्री झलनाथ खनाल, माधवकुमार नेपाललगायतले प्रतिनिधिसभा विघटनसम्बन्धी विषय सर्वोच्च अदालतमा पुगेकाले त्यहाँबाट संविधानअनुरुप फैसला आउने विश्वास व्यक्त गरे ।

प्रतिनिधिसभा विघटनसम्बन्धी विषय सर्वोच्च अदालतमा विचाराधीन रहेका अवस्थामा दलका नेताहरुसँग सभामुखले समसामयिक राजनीतिक विषयमा छलफलका लागि बोलाएको पूर्वप्रधानमन्त्री डा बाबुराम भट्टराईले जानकारी दिए । उनले प्रतिनिधिसभा पटक पटक विघटन हुँदा लोकतन्त्र नै धरापमा परेकाले यसलाई बचाउन राजनीतिक दल लाग्नुपर्नेमा सबै दल सहमत भएको जानकारी दिए ।

“पटक पटक संसद् विघटन भएको छ । यसमा साझा चिन्ता व्यक्त भयो”, उनले भने “ कोरोना महामारी चर्किएको छ । खोप व्यवस्थापन हुन सकेको छैन । यस विषयमा पनि हामी सबैको एउटै मत रह्यो ।”

उनले संसद् विघटन गलत छ भनेर दलका नेताहरुले सभामुखलाई सुझाव दिएको जनाउँदै १४६ जनाले अदालतमा निवेदन दिएकाले सोहीअनुसार निकास आउनेमा विश्वास व्यक्त गरिएको संवाददातालाई बताए । छलफलमा कांग्रेसका सभापति शेरबहादुर देउवा, माओवादी केन्द्रका अध्यक्ष दाहाल पूर्वप्रधानमन्त्री खनाल, नेपाल, डा. भट्टराई, जसपा अध्यक्ष उपेन्द्र यादव, राप्रपाका दीपक बोहोरा र नेमकिपाका प्रेम सुवाल सहभागी थिए । छलफलमा नेकपा ‘एमाले’का तर्फबाट भने सहभागिता थिएन ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

आइएमई जनरल इन्स्योरेन्सको हकप्रद शेयरको विक्री प्रबन्धकमा ग्लोबल आइएमई क्यापिटल नियुक्त आइएमई जनरल इन्स्योरेन्सको हकप्रद शेयरको विक्री प्रबन्धकमा ग्लोबल आइएमई क्यापिटल नियुक्त २ हप्ता पहिले
डोटीमा कोरोनाबाट मृत्यु हुनेको सङ्ख्या १७ पुग्यो डोटीमा कोरोनाबाट मृत्यु हुनेको सङ्ख्या १७ पुग्यो ७ दिन पहिले
आज बजेटका विषयमा कांग्रेसले आफ्नो धारणा सार्वजनिक गर्ने आज बजेटका विषयमा कांग्रेसले आफ्नो धारणा सार्वजनिक गर्ने ३ हप्ता पहिले
स्वास्थ्यकर्मीमाथी आक्रमण गर्नेलाई कडा कारबाही गर्न मन्त्रालयको आग्रह स्वास्थ्यकर्मीमाथी आक्रमण गर्नेलाई कडा कारबाही गर्न मन्त्रालयको आग्रह ३ हप्ता पहिले
नेपाल पक्षको रणनीति हेर्दै, स्थायी कमिटीको बैठक सार्दै नेपाल पक्षको रणनीति हेर्दै, स्थायी कमिटीको बैठक सार्दै ३ हप्ता पहिले
मंगल ग्रहमा चिनियाँ रोभरले खिचेका तस्बिरहरु सार्वजनिक मंगल ग्रहमा चिनियाँ रोभरले खिचेका तस्बिरहरु सार्वजनिक १ हप्ता पहिले
आज थप ६८२५ जनामा कोरोना पुष्टि, ७५ संक्रमितको मृत्यु आज थप ६८२५ जनामा कोरोना पुष्टि, ७५ संक्रमितको मृत्यु ३ हप्ता पहिले
कोरोनाका कारण दैनिक १० करोड बराबरको दूध नोक्सान कोरोनाका कारण दैनिक १० करोड बराबरको दूध नोक्सान ३ हप्ता पहिले