गण्डकी प्रदेशले आज दोस्रो मुख्यमन्त्री पाउँदै, को हुन कृष्णचन्द्र नेपाली पोख्रेल ?

२९ जेठ, काठमाडौं । संघीय राजनीति कारण  प्रतिनिधिसभाले भोगेको नियति गण्डकी प्रदेशसभामा दोहोरिएन भने संभवत आज वेलुकासम्म उक्त प्रदेशले दोस्रो मुख्यमन्त्रीको रुपमा नेपाली कांग्रेसका नेता कृष्ण चन्द्र नेपाली पोख्रेललाई पाउने निश्चित छ ।

गाण्डकी प्रदेश कांग्रेस संसदीय दलका नेता रहेका पोख्रलले हिजो नै प्रदेशका बहुमत सांसदको हस्ताक्षर प्रदेश प्रमुखलाई बुझाउँदै आफुलाई मुख्यमन्त्तीमा नियुक्ति गर्ने दावी प्रस्तुत गरिसकेका छन् ।

दावी प्रस्तुत गर्न आज तीन बजेसम्मको समयसीमा दिएको हुनाले आज तीन बजेपछि मात्र उनलाई नियुक्ती गर्ने वा नगर्ने विषयमा प्रदेश प्रमुखले निर्णय दिने बताइएको छ । अहिलेसम्म पोख्रेलको बहेक अर्को  कुनै सदस्यको दावी पनि नपरेको प्रदेश प्रमुखको सचिवालयले जनाएको छ । आज बेलुका सम्म नेपाली गण्डकी प्रदेशको दोस्रो मुख्यमन्त्री बन्ने देखिन्छ ।

मुख्यमन्त्रीको रुपमा अघि आएका कृष्णचन्द्र नेपालीको चिनारी

२००६ साल मंसिर १३ गते जन्मिएका कृ्ष्ण चन्द्र नेपाली पोख्रेल उमेरले ७१ बर्ष नघि सकेका नेपाली कांग्रेसका पुराना नेताको रुपमा चिनिन्छन् । राजनीतिमा लाग्न पिताबाट प्रेरणा पाएका भएका नेपाली का पिता राणा विरुद्ध कांग्रेसले संचालन गरेको आन्दोलनमा प्रजातन्त्रका सेनानी थिए ।

नेपालीले २०२८ सालबाट कांग्रेस राजनीतिमा प्रवेश गरेका हुन् । नवलपरासीलाई कांग्रेस राजनीति मुख्य थलो बनाएका पोख्रेल २०४८ सालपछि उनी लगातार चार कार्यकाल नवलपरासीको कांग्रेस सभापति भएका थिए । कांग्रेसको १२ औं महाधिवेशनबाट उनी केन्द्रीय सदस्य बने । २०७४ सालको प्रदेश सभा निर्वाचनमा एमाले-माओवादी गठवन्धनका उम्मेदवार सूर्यप्रसाद न्यौपानेलाई ३ सय ८२ मतल पराजित भई पोखरेल गण्डकी प्रदेशसभा सदस्या निर्वाचित भए । त्यसअघि दोस्रो संविधान सभा निर्वाचनमा छिनोमतान्तरले पोख्रेल पराजित भएका थिए ।

नेपाली कांग्रेस गण्डकी प्रदेश संसदीय दलमा पोख्रेल सर्वसम्मत चयन भएका नेता हुन । पार्टीमा रामचन्द्र पौडेल निकट भनिएपनि पार्टी सभापति देउवाले पनि उत्तिकै सम्मान गर्ने नेताको रुपमा पोख्रेल रहेका छन् । पोख्रेल प्रजातन्त्रका लागि भएका विभिन्न आन्दोलनमा ५-६ पटक जेल परेका छन् । उनले मानविकी र त्रिभुवन विश्वविद्यालयबाट कानूनमा स्नातक गरेका छन् ।