नेताहरूको अहंकार र शक्तिको टकराबले गण्डकी सत्ता गुम्यो: भट्टराई  

३० जेठ, काठमाडौं । नेकपा एमालेका नेता योगेश कुमार भट्टराईले गण्डकी प्रदेशमा सत्ता परिवर्तन नेताहरूको अहंकार र शक्तिको टकराब परिणाम भएको बताएका छन् । भट्टराईले नेताहरूको अहंकार र शक्तिको टकराबमा कति पृथ्वी सुब्बाहरू पिल्सिनु पर्ने हो भन्दै प्रश्न गरेका छन् ।

गण्डकी प्रदेशको मुख्यमन्त्रीमा कृष्ण चन्द्र पोखरेल नेपाली नियुक्त भएसँगै नेता भट्टराईले सामाजिक संजाल मार्फत यस्तो प्रश्न गरेका हुन् ।

नेता भट्टराईले ट्वीटरमा लेखेका छन्, “नेताहरुको अहंकार र शक्तिको टकराबमा कति पृथ्बी सुब्बाहरु पिल्सीनु पर्ने हो ? ईन्द्रलाल सापकोटा र बिष्णु पन्थी जस्ता कतिले सत्ताको तिरस्कार सहनु र अग्नी परिक्षामा सामेल भईरहनु पर्ने हो ? सबै प्रदेशमा दलका काम कार्वाहीको पुन: संरचना गर्न ढिला नगरौ !