अहिले बुद्धिले लड्ने समय हो तरवारले लड्ने समय सकियो: मन्त्री मनाङे

३० जेठ, काठमाडौं ।  गण्डकी प्रदेशका नवनियुक्तमन्त्री राजिव गुरुङ (दिपक मनाङे)ले अहिलेको समय बुद्धिले लडाई लड्ने समय रहेको बताएका छन ।

‘एउटा जमाना थियो। मान्छेले हातले  तरवारले लडाई लडे । अब यो बुद्धिले लडने जमाना हो ।  बुद्धिले कसरी ठिक गर्नु पर्छ  म त्यस तर्फ लागेको छु।’ मन्त्री मनाङ्गेले भनेका छन् ।

अघिल्लो सरकार भ्रष्टाचारमा एकदमै लिप्त भएका कारण आफुले उक्त सरकार छाडेको र प्रदेशसभा विघटन हुनबाट बचाएको बताएका छन् ।

पृथ्वी सुब्वाको गुरुङ्गको चाहाना संसद विघटन नभएपनि उनले केही मुख्य मान्छेहरुको उक्साहाटमा त्यो प्रयास गरेको बताए ।

उनले खेलकुद मन्त्रालय अव माओवादीको भागमा दिन नहुने र आफुले भने नलिने आफ्नो दावी भौतिक पूर्वधार रहेको बताएका छन् । ‘अब युवालाई मन्त्रालयमा पठाउने हो मैले मुख्यमन्त्रीसँग पनि कुरा गरेको छु। पार्टी उहाँहरुले मिलाउने हो मेरो समर्थन छ,’ मनाङेले भने।