सिद्धार्थ राजमार्गमा एकतर्फी यातायात सुचारू

३० जेठ, वालिङ । हिजोदेखि परेको वर्षाका कारण खसेको पहिरोले अवरुद्ध सिद्धार्थ राजमार्गमा एकतर्फी यातायात सुचारू भएको छ । आज बिहान साढे ६ बजेतिर स्याङ्जाको फेदिखोला गाउँपालिका–२ भालुपहाडस्थित सिद्धार्थ राजमार्गमा माथिबाट खसेको पहिरोले सडक पूर्णरूपमा अवरुद्ध भएको थियो ।

जिल्ला प्रहरी कार्यालय स्याङ्जाका प्रहरी नायब उपरीक्षक एवं प्रहरी प्रवक्ता राजेन्द्रप्रसाद अधिकारीका अनुसार अबरुद्ध भएको भालुपहाडमा एकतर्फी यातायता सुचारू भएको छ । पहिरोका कारण सिद्धार्थ राजमार्गको पोखरा–स्याङ्जा सडक खण्ड बन्द भएको थियो ।