निषेधाज्ञाको मोडालिटी परिवर्तन गर्न ३ जिल्लाका सीडीओको बैठक बस्दै

३० जेठ, काठमाडौं । निषेधाज्ञाको मोडालिटी परिवर्तन गर्नेबारे काठमाडौं उपत्यकाका ३ जिल्लाका सीडीओको बैठक आइतबार बस्दैछ ।काठमाडौं उपत्यकाका ३ जिल्लाका प्रमुख जिल्ला अधिकारीहरुको बैठक आज दिउँसो ३ बजे बस्ने भएको छ ।

प्रजिअहरुको बैठकले निषेधाज्ञाको समय लम्ब्याउने अथवा मोडालिटी परिवर्तन गर्नेबारे निर्णय गर्दैछन् । वैशाख १६ बाट जारी निषेधाज्ञा पछिल्लो पटक जेठ ३१ सम्म लम्ब्याउने निर्णय गरिएको थियो ।

छलफलमा काठमाडौंका प्रजिअ कालीप्रसाद पराजुली, ललितपुरका प्रजिअ ढुण्डी प्रसाद निरौला र भक्तपुरका प्रजिअ भट्टराई सहभागी हुनेछन् ।