सीईडीबी हाइड्रोपावरको सर्किट लेबलमा कारोबार, शेयरमूल्य कति ?

३० जेठ, काठमाडौं । सीईडीबी हाइड्रोपावर डेभलपमेण्ट कम्पनीको शेयर कारोबारमा आएको तेस्रो दिन आइतवार पनि ९ दशमलव ९६ प्रतिशतले वृद्धि भएको छ ।

कम्पनीको शेयरमूल्य प्रतिकित्ता ५५२ पुगेको हो । कम्पनीको शेयरमा विक्रेताभन्दा क्रेता धेरै भएकाले शेयरमूल्यमा वृद्धि भएको हो ।उक्त कम्पनीको शेयरमूल्इ दोस्रो बजारमा सूचीकृत भएदेखि नै सकारात्मक लेवलमा वृद्धि हुँदै आएको छ ।

यो समाचार तयार पार्दाको समय ११ :५१ बजेसम्ममा मार्केट डेप्थमा कम्पनीको शेयरमा खरीद माग ३ लाख ९२ हजार ६९३ कित्ता रहेकोछ भने विक्री माग शून्य रहेको छ ।

नेप्सेले कम्पनीको पहिलो कारोबारको लागि १३८ दशमलव ७९ देखि ४१६ दशमलव ३७ सम्म मूल्य रेञ्ज तोकेकोमा हाई रेञ्जमा कारोबार शुरु भएको थियो ।