एक दर्जन कम्पनीको कारोबार सर्किट लेभलमा

३० जेठ, काठमाडौं । साताको पहिलो कारोबार दिन आज (आइतबार) पनि नेपाल स्टक एक्सचेन्ज (नेप्से)मा हाइड्रोपावर कम्पनीहरूमा लगानीकर्ताको आकर्षण देखिएको छ ।

अहिले नेप्सेमा १२वटा कम्पनीको सकारात्मक सर्किट लेभलमा कारोबार भइरहेको छ । सर्किट लेभलमा कारोबार भइरहेका कम्पनीहरूमध्ये अधिकांश हाइड्रोपावर कम्पनी नै छन् ।

आइतबार घलेम्दी हाइड्रोपावर कम्पनी लिमिटेड, सिइडिबी हाइड्रोपावर कम्पनी लिमिटेड, माउन्टेन इनर्जी नेपाल लिमिटेड, सोल्टी होटल लिमिटेड, हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड, पाँचथर पावर कम्पनी लिमिटेड, श्री इन्भेष्टमेन्ट एण्ड फाइनान्स कम्पनी लिमिटेड, तारागाँउ रिजेन्सी, जोशी हाइड्रोपावर, ङादी ग्रुप पावर र ओरियन्टल होटलको सेयर सकारात्मक सर्किट लेभलमा कारोबार भइरहेको छ ।

यो समाचार तयार पार्दासम्म नेप्से परिसूचक ३०.८४ अंकले बढेर २९७५.४४ विन्दुमा पुगेको छ ।