मन्त्रिपरिषद विस्तारविरुद्ध पूरक रिट दर्ता, निवेदनपत्रमा के छ ?

३० जेठ, काठमाडौं । कामचलाउ प्रधानमन्त्री केपी ओलीले जेठ २७ गते गरेको मन्त्रिपरिषद् विस्तारविरुद्ध सर्वोच्च अदालतमा पुरक निवेदन दर्ता भएको छ। वरिष्ठ अधिवक्ता दिनेश त्रिपाठीले आइतवार पुरक निवेदन दिएका हुन्।

पहिलो मन्त्रिपरिषद विस्तारविरुद्ध पनि त्रिपाठीसहित ६ वटा रिट परेका छन्। अन्तरिम आदेश मागिएको उक्त रिटमा दुबै पक्षलाई बोलाएर छलफल गर्न असार ८ मा सुनुवाइ हुँदैछ।

दुबै पक्षलाई बोलाउने र सरकारलाई लिखित जवाफ जेठ २५ मा माग्ने आदेश भएका बेला प्रधानमन्त्री ओलीले २७ गते नै मन्त्रिपरिषद विस्तार गरेपछि पुरक रिट परेको हो। प्रधानमन्त्री ओलीले पुनः मन्त्रिपरिषद विस्तार गरेपछि आइतबार त्रिपाटीले पूरक रिट दर्ता गरेका हुन् ।

पूरक निवेदनमा प्रधानमन्त्रीको सिफारिस एवं सो सिफारिसबमोजिम सोही मितिमा राष्ट्रपतिबाट मन्त्रिपरिषदमा गरिएको नयाँ नियुक्ति, हेरफेर तथा कार्य विभाजन तथा सोबाट निसृत सबै काम कारवाहीहरु उत्प्रेषणको आदेशद्वारा बदर गरी परमादेश लगायत अन्य आदेश जारी गरी पाउन माग गरिएको छ ।

निवेदनपत्रमा के छ ?