विद्यालयलाई असार २० भित्र एसईईको आन्तरिक मुल्याङकन सक्न निर्देशन 

३१ जेठ, काठमाडौं । राष्ट्रिय परीक्षा बोर्डले कक्षा १० को माध्यमिक शिक्षा परीक्षा (एसईई) सहभागी हुने सबै विद्यार्थीहरुको आन्तरिक मुल्याङकन असार २० गते भित्र सक्न सम्वन्धित विद्यालयलाई निर्देशन दिएको छ । बोर्डले असार २० भित्र विद्यार्थीको आन्तरिक मूल्याङ्कनका सबै कार्य पूरा गर्नुपर्ने समयसीमा दिएको हो ।

असार २० भित्र सवै विद्यालयले आन्तरिक मुल्याङ्कन सकाई असार मसान्तभित्र समन्वय समितिले जिल्लाका सबै विद्यार्थीको अभिलेख रुजु गरी राष्ट्रिय परीक्षा बोर्डमा पठाउन समय दिएको छ  । सबै जिल्लाबाट अभिलेख निर्धारित समयमा आएपछि १५ दिनभित्र अर्थात साउन १५ भित्र नै अन्तिम नतिजा प्रकाशन तयारी गर्ने कार्ययोजना बोर्डले बनाएको ।

विद्यालयले विद्यार्थीको अन्तिम आन्तरिक मूल्याङ्कन गरे पनि विद्यार्थीको नतिजा प्रकाशन, प्रमाणपत्र जारी र प्रमाणीकरण लागायतका काम भने राष्ट्रिय परीक्षा बोर्डले नै गर्ने छ । कोरोना महामारीका कारण गत साल जस्तै यसपटक पनि एसईई विद्यालयको आन्तरिक परीक्षा लिने र त्यसको प्रमाणीकरण बोर्डबाट गर्ने निर्णय गरिएको हो ।

काक्ष १२ को परीक्षा भने महामारी कम भएपछि उपयुक्त समयमा वोर्डले नै संचालन गर्ने भएको छ ।