इजरायलको प्रधानमन्त्रीमा विपक्षी गठवन्धनको आलोपालो !

३१ जेठ, एजेन्सी । सदनमा बुहमत गुमएसँगै इजरायली प्रधानमन्त्री बेन्जामिन नेतान्याहु सत्ताबाट बाहिरिएका छन् । एक सय २० सदस्यीय संसदमा आफूसहित ६१ प्रतिनिधिको साथ पाएका विपक्षी गठबन्धनका नेता नेफ्टाली बेनेट इजरायलको प्रधानमन्त्री बनेका छन्।

नेतान्याहुले ५९ मत प्राप्त गरे । पाँच पटक इजरायलको प्रधानमन्त्री बनेका नेतान्याहु पछिल्लो पटक सन् २००९ देखि लगातार प्रधानमन्त्री थिए ।

विपक्षी गठबन्धनको सहमतिअनुसार दक्षिणपन्थी यामिना पार्टीका नेता नेफ्टाली बेनेट र येश यटिड पार्टीका नेता येर लेपिडले आलोपालो सरकारको नेतृत्व गर्ने सहमती बनेको विविसिले जनाएको छ ।

विपक्षी गठवन्धनको सहमती अनुसार बेनेट सन् २०२३ सम्म प्रधानमन्त्री बन्ने  छन् भने मध्यमार्गी येश एटिड पार्टीका नेता लेपिडले सन् २०२३ को अगस्टदेखि सरकारको नेतृत्व गर्ने छन् ।