जेठ २ मा फर्कन ओली तयार, नेपाल पक्ष पनि नयाँ रणनीतिमा
नेपालबहस संवाददाता
जेठ ३१, २०७८ सोमबार १८:४५:५०
३१ जेठ, काठमाडौं । नेकपा एमाले भित्र फेरि नाटकीय ढंगले एकता प्रकरणले तीब्रता लिएको छ । दुबै पक्षले एकताप्रति फेरि अनौठो अनुराग देखाएका छन् । प्रधानमन्त्रीसमेत रहेका पार्टी अध्यक्ष केपी ओली अब जेठ २ गते अघिकै पार्टी संरचना व्यूँताउन तयार भएका छन् । यसका लागि ओलीले आफ्ना दूतहरुलाई परिचालन गरिसकेका छन् ।
उता, ओलीको यो फेरि पनि नयाँ चालबाजी नै रहेको अर्काे पक्षको बुझाई छ । त्यसैले ओलीले स्वार्थसिद्धीको लागि एकताको नारा दिएको बुझेको माधव नेपाल पक्षले समेत आफ्नो रणनीति परिवर्तन गरेको छ । त्यसैले अहिले एमाले भित्र फेरि अभूतपूर्व एकताको भावना अंकुरण भएको छ – नेता नेपाल पक्षका एक केन्द्रीय सदस्यले भने ।
प्रतिनिधिसभा पुनस्थापना हुने लगभग पक्का भएको चाल पाएका प्रधानमन्त्री ओली फेरि पनि पदमा टिक्न चाहन्छन् । त्यसका लागि सबैभन्दा ठूलो वाधक भनेको नेपाल पक्षले शेरबहादुर देउवाको पक्षमा गरेको हस्ताक्षर रहेको छ । त्यसैले जसरी भएपनि हस्ताक्षर फिर्ता गराउन सके जनता समाजवादी पार्टीको महन्थ – राजेन्द्र पक्षको मतले सरकार जोगाउने उनको दाउ रहेको छ ।
त्यसैले अहिले जस्तो सुुकै सम्झौता गर्न पनि ओली तयार भएका हुन् । त्यसैगरी माधव नेपाल पक्षले पनि ओलीको चालबाजी बुझेरै अहिले एकताकै पक्षमा जाने तर त्यसबाट राजनीतिक लाभ उठाउने रणनीति बनाएको छ ।
ओलीका दूत सक्रिय
प्रधानमन्त्री ओली अब जेठ २ , २०७५ अगाडि फर्कन तयार भएका छन् । अब एमालेको पुरानै संरचनाको बैठक डाक्नसमेत उनी तयार भएका छन् । आफ्नो सन्देश पु¥याउन ओलीले अर्थमन्त्री विष्णु पौडेललाई परिचालन गरेका छन् ।
आज बिहान पौडेलले नेता वामदेव गौतमसँग भेटेर ओलीको प्रस्ताव सुनाए । प्रधानमन्त्री अब एमालेको पुरानै संरचनाको बैठक डाक्न तयार हुनु भएको छ , पार्टी एकताका लागि तपाईंले पहल गरिदिनु प¥यो भन्दै पौडेलले नेता गौतमसँग सहयोगको याचना गरेका छन् । केही दिनअघि मात्रै पौडेल यस्तै प्रस्ताव लिएर नेता नेपालको निवास पुगेका थिए । त्यतिबेला नेता नेपालले आफ्नो पक्षका साथीहरुसँग छलफल गरेर निर्णय सुनाउने वचन दिएका थिए ।
असन्तुष्ट पक्षको रणनीति
ओलीले यसपाली पनि अफ्ठेरो परेकाले मात्रै एकताको कुरा गरेको नेपाल पक्षको ठहर छ । तर कार्यकर्ताका अगाडि आफूहरु नै एकता विरोधी भएको सन्देश पनि नजाओस् र आवश्यक पर्दा अहिलेको भन्दा सशक्त हुने परिस्थिति निर्माण होस् भनेर ओलीको प्रस्ताव स्वीकार्ने पक्षमा रहेका छन् ।
जेठ २,२०७५ अगाडिको एमाले संरचनामा नेपाल पक्ष लगभग ४५ प्रतिसतको हाराहारीमा रहेको छ । त्यही कमिटीलाई आधिकारिक मान्दा नेपाल पक्षको बार्गेनिङ पावर अझै बलियो हुनेछ । साथै, ओलीसँग सहमति नहुँदा पार्टी विभाजन गर्ने वैधानिक बाटो समेत खुल्ने भएकाले उक्त प्रस्तावप्रति नेपाल पक्ष लचिलो देखिएको हो ।
त्यही भएकाले पानी बाराबारको अवस्थामा रहेको प्रदेश नं १ र बाग्मती प्रदेश सरकारले ल्याएको नीति कार्यक्रम र बजेट पारित गर्न दुबै पक्ष एक भएका थिए । यो क्रम अझै बलियो देखाउन नेपाल पक्ष नै एक कदम अघि बढेको छ ।
बैठक बोलाउने तयारी
दुबै पक्षबीच कुरा मिल्दा यही हप्ता एमालेको पुुरानो संरचनाको बैठक बस्नेछ । पार्टी अध्यक्ष ओलीले जेठ २, २०७५ अगाडिको एमाले कमिटीको बैठक डाक्ने भएका छन् । दुबै पक्षले रणनीतिक रुपमा यसलाई उपयोग गर्ने तयारी गरेका छन् । बैठक बस्नुपूर्व कुनै सर्त नरहने पनि ओलीले प्रष्ट पारेका छन् । त्यसैले अब बस्ने भनिएको एमालेको पुरानो कमिटीको बैठकले ओलीलाई अझै कमजोर बनाउने आंकलन गर्न सकिन्छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपस्काउटको जग्गा कब्जामा गृहमन्त्रीको चासो, मन्त्रालयमा आयुक्तसँग छलफल
चैत १५, २०८० बिहिबार
आईजीपी परिर्वतनको तयारीमा गृहमन्त्री लामिछाने, पुग्ला त चलाउनेको भविष्यवाणी ?
चैत १५, २०८० बिहिबार
डीएसपी बढुवा सिफारिसमा किन विवादमा आए प्रधानमन्त्री प्रचण्ड र अध्यक्ष ओली ?
चैत १६, २०८० शुक्रबार
पृथ्वीबाट अचानक रक्सी पूरै गायब भयो भने के हुन्छ ?
चैत १६, २०८० शुक्रबार
उप निर्वाचनलक्षित एजेन्डा पास गर्दै किसान महासंघ केन्द्रीय समितिको बैठक इलाममा सम्पन्न
चैत १६, २०८० शुक्रबार
यस्ता छन् बिहीबारको मन्त्रिपरिषद् बैठकको निर्णय
चैत १६, २०८० शुक्रबार
सेती नदीमा डुबेर डोटीमा एक किशोरको मृत्यु
चैत १६, २०८० शुक्रबार
कम्युनिष्टसँग सहकार्य गर्दा कांग्रेसले गुमाएको गौरव
चैत १६, २०८० शुक्रबार
बङ्गलादेशी नागरिकलाई नेपाल ल्याई बन्धक बनाउने पक्राउ
चैत १६, २०८० शुक्रबार
दार्चुलामा भिरबाट लडेर एक वडा सचिवको घटनास्थलमै मृत्यु
चैत १६, २०८० शुक्रबार