विजय लघुवित्तको २३ हजार ५२९ कित्ता संस्थापक शेयर बिक्रीमा, शेयरमूल्य कति ?

१ असार, काठमाडौं । विजय लघुवित्त वित्तीय संस्थाले संस्थापक शेयर विक्री गर्ने भएको छ ।

कम्पनीले केही संस्थापक शेयरधनीको नाममा रहेको २३ हजार ५२९ कित्ता शेयर विक्री गर्न लागेको हो ।

उक्त शेयर खरीद गर्नका लागि पहिलो प्राथमिकता कम्पनीका हाल कायम संस्थापक शेयरधनीहरुलाई भएकाले सूचना प्रकाशित भएको मितिले ३५ दिनभित्र आवश्यक कागजपत्र केन्द्रीय कार्यालय गैंडाकोटमा बुझाउन कम्पनीले भनेको छ ।

तोकिएको समयभित्र हाल कायम रहेका संस्थापक शेयरधनीको निवेदन नपरेमा प्रचलित नियम अनुसार अन्य व्यक्तिलाई विक्री गर्ने प्रक्रिया अगाडि बढाइने कम्पनीले बताएको छ ।