तेस्रो त्रैमासमा नेपाल हाइड्रो डेभलपरको मुनाफा घट्यो, नेटवर्थ कति ?

१ असार, काठमाडौं । नेपाल हाइड्रो डेभलोपर लिमिटेड चालू आवको तेस्रो त्रैमासिक वित्तीय विवरण मंगलवार सार्वजनिक गरेको छ ।

उक्त वित्तीय विवरण अनुसार कम्पनीको नाफा गत आवको तेस्रो त्रैमासको तुलनामा चालू आवको सोही अवधिमा ६५ प्रतिशतले घटेको छ ।

गत आवमा ३ करोड २२ लाख नाफा कमाएको उक्त कम्पनीको नाफा चालू आवमा  १ करोड १२ लाख ६१ हजारमा सीमित भएको हो । चालू आवको तेस्रो त्रैमासमा कम्पनीको विद्युत् विक्री आम्दानीमा कमि आएकाले नाफामा कमि आएको हो ।

कम्पनीले गत आवमा विद्युत् विक्री बापत ८ करोड ६९ लाख ७६ हजार आम्दानी गरेकोमा चालू आवमा उक्त आम्दानी रू। ६ करोड ३ लाख ७५ हजारमा सीमित भएको हो । विद्युत् विक्री आम्दानी गत आवको तुलनामा चालू आवमा ३० प्रतिशतले घटेको हो ।

चालू आवको तेस्रो त्रैमासमा कम्पनीको नाफामा कमिआएसँगै प्रतिशेयर आम्दानीमा पनि कमि आएको छ । गत आवको तेस्रो त्रैमासमा कम्पनीको प्रतिशेयरआम्दानी १२ दशमलव ३९ रहेकोमा चालू आवको सोही अवधिमा घटेर ५ दशमलव शून्य २ मा सीमित भएको हो ।

चुक्तापूँजी २९ करोड ९० लाख रहेको कम्पनीले जगेडामा १ करोड ९५ लाख १५ हजार सञ्चित गरेको छ । त्यसैगरी कम्पनीको मूल्य आम्दानी अनुपात ६४ दशमलव ७२ र प्रतिशेयर नेटवर्थ १०६ दशमलव ५३ रहेको छ ।