झलनाथ खनाललाई थप उपचारका लागि नयाँदिल्ली लगिंदै

२ जेठ, काठमाडौं । नेकपा एमालेका वरिष्ठ नेता तथा पूर्व प्रधानमन्त्री झलनाथ खनाललाई थप उपचारका लागि भारतको नयाँदिल्ली लगिंदै छ ।उनलाई बुधबार दिउँसो साढे १२ बजे दिल्ली लैजान लागिएको खनालको सचिवालयले जनाएको हाे ।

खनालको उपचार दिल्लीको एपोलो अस्पतालमा हुने जनाइएको छ । वरिष्ठ नेता नेपाल विरामी भएपछि केहि दिनयता काठमाडौंको नर्भिक अस्पतालमा उपचार भइरहेको छ ।

उनमा ज्वरो र खोकीको समस्यासँगै हेमोग्लोविनको कमी देखिएको डाक्टरहरुले बताएका छन् । यस भन्दाअघि उनले कोरोना संक्रमणलाई जितेर अस्पतालबाट फर्किएका थिए ।