डाइभर्सनले पूर्वपश्चिम राजमार्गमा यातायात सञ्चालन गर्न सास्ती
नेपालबहस संवाददाता
असार २, २०७८ बुधबार १७:२५:३
२ असार,कावासोती । सडक विस्तारका क्रममा बनाइएका डाइभर्सनका कारण मङ्गलबार करिब पाँच घण्टा पूर्वपश्चिम राजमार्ग ठप्प बन्यो । नवलपरासी (बर्दघाट सुस्तापूर्व) नवलपुरको थुम्सिस्थित डाइभर्सनमा पानीको मात्रा बढेर केही क्षति पुगेपछि पाँच घण्टा राजमार्ग नै ठप्प बन्यो । असार पहिलो दिन नै डाइभर्सनका कारण पूर्णरूपमा यातायात अवरुद्ध भएकामा आज बिहानसम्म एकतर्फीरूपमा मात्रै यातायात सञ्चालनमा रहेको छ । पानी परिरहेकाले कतिबेला यहाँका डाइभर्सनमा क्षति पुगी राजमार्ग अवरुद्ध हुने हो कुनै निश्चित छैन ।
नारायणगढ–बुटवल सडकखण्ड विस्तारका क्रममा विभिन्न स्थानामा पुल बन्ने क्रममा रहेका छन् तर वर्खा लागिसक्दा पुल निर्माणको काम नसकिँदा वर्षाभरि यो मार्ग भएर यात्रा गर्न कठिन हुने देखिएको छ । विभिन्न स्थानमा बनेका ड्राइभर्सन पानीका कारण भत्किने, पानीको मात्रा बढी हुँदा डाइभर्सन नै नदेखिने समस्याले नारायणगढ–बुटवल खण्डमा वर्षाभरि यातायात सहजरूपमा सञ्चालनमा कठिन हुने देखिएको जिल्ला प्रहरी कार्यालय नवलपरासी पूर्व नवलपुरका प्रहरी नायब उपरीक्षक दिलीपकुमार गिरीले बताए ।
“राजमार्गको धेरै ठाउँमा डाइभर्सन छ, पुल बनिसकेको छैन, यस वर्ष नवलपुर खण्ड भएर यात्रा गर्ने सवारी तथा यात्रुहरूले सास्ती खेप्नुपर्ने देखिन्छ”, प्रनाउक गिरीले भने । राजमार्ग विस्तारका क्रममा पुल तथा कल्भर्ट निर्माणका लागि विभिन्न स्थानमा निर्माण गरिएको डाइभर्सनका कारण यस क्षेत्रमा राजमार्ग अवरुद्ध हुने जोखिम बढेको हो ।
नवलपुरको गैँडाकोट नगरपालिकाको विभिन्न क्षेत्रमा पुल तथा कल्भर्ट निर्माणका लागि डाइभर्सन निर्माण गरिएको छ । यसरी निर्माण गरिएको डाइभर्सन खोला तथा खोल्सीमा आउने बाढी थाम्न सक्ने अवस्थामा नरहेका कारण यस वर्ष यो सडकखण्डमा निकै जोखिम रहेको छ । “वर्षामा सहजरूपमा यातायात सञ्चालनका लागि पुल निर्माण सम्पन्न गर्नु नै एउटा विकल्प भए पनि त्योसमेत सम्भव देखिँदैन”, प्रनाउ गिरीले भने, “डाइभर्सन मजबुत बनाउन हामीले भन्छौँ नै तर धेरैजसो खहरे खोला भएकाले वर्षामा बाढी धेरै आउने हुँदा जोखिम छ ।”
पूर्वपश्चिम राजमार्ग विस्तारको जिम्मा पाएको चिनियाँ कम्पनीले सडक मर्मतमा ध्यान नदिँदा यस क्षेत्रका अधिकांश स्थानमा राजमार्ग जीर्ण बनेको छ । यसबाट दैनिकरूपमा यात्रा गर्नेलाई समेत निकै सास्ती हुने गरेको छ । सडक विभागले ठेक्कामा गएको सडक भनेर मर्मत नगर्ने र चिनियाँ कम्पनीले एकैपटक बनाउने भन्दै मर्मतमा ध्यान नदिँदा अन्यत्रसमेत राजमार्ग जीर्ण रहेको छ ।
यसै राजमार्गअन्तर्गत नारायणगढ–बुटवल सडकखण्डको दाउन्ने क्षेत्रमा सडक किनारमा नाली नहुँदा पहाडबाट खसेको हिलो राजमार्गमै झर्दा जोखिम बढेको छ । गत वर्ष असोज पहिलो साता आएको पहिराको कारण लामो समय राजमार्ग अवरुद्ध भएको थियो भने राजमार्ग पनि जीर्ण भएको थियो । जीर्ण भएको एक वर्ष हुन लाग्दासमेत सो सडक मर्मत नभएका कारण यस वर्ष पनि निकै जोखिम रहेको छ । दाउन्ने क्षेत्रका विभिन्न स्थानमा केही दिनदेखि परेको अविरल वर्षाका कारण साना पहिरो जाँदा मङ्गलबारदेखि एकतर्फीरूपमा यातायात सञ्चालन गरिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमुख्यमन्त्री अधिकारीले दिए गण्डकीमा चुमान र मनाङेलाई जिम्मेवारी
बैशाख ८, २०८१ शनिबार
पाथीभरा क्षेत्रमा मदिरा बिक्री तथा सेवनमा प्रतिबन्ध
बैशाख ७, २०८१ शुक्रबार
नवलपुरका महिलाको आत्मनिर्भरको श्रोत घरबास
बैशाख ७, २०८१ शुक्रबार
इलाम क्षेत्र न. २ मा कांग्रेस र स्वतन्त्रको देखियो चहलपहल
यज्ञप्रसाद भट्टराई
बैशाख ८, २०८१ शनिबार
हार्दिक पाण्डेयलाई १२ लाख जरीवाना
नेपालबहस संवाददाता
बैशाख ७, २०८१ शुक्रबार
अभिनेत्री शिल्पाका पति कुन्द्राको ९८ करोड सम्पति जफत
नेपालबहस संवाददाता
बैशाख ६, २०८१ बिहिबार
इलाम क्षेत्र न. २ मा कांग्रेस र स्वतन्त्रको देखियो चहलपहल
बैशाख ८, २०८१ शनिबार
सिंगापुरमा एभरेष्ट मसला माथी प्रतिबन्ध, किटनाशक औषधी हालिएको खुलासा
बैशाख ८, २०८१ शनिबार
प्रिमियर कपमा तेस्रो स्थानको लागि नेपाल र हङकङ खेल्ने
बैशाख ७, २०८१ शुक्रबार
पर्सामा गहुँ खेतको आगोको झिल्का सल्केर घरमा आगलागी
बैशाख ८, २०८१ शनिबार
एमाले परिषद् बैठकः आन्तरिक शुद्धीकरणसहित राष्ट्रिय शक्ति निर्माणमा केन्द्रित
बैशाख ८, २०८१ शनिबार
एसीसी प्रिमियर कपमा नेपाल हङकङसँग पराजित
बैशाख ८, २०८१ शनिबार
राहदानीको फिचर्स परिवर्तन र एमआरपी खरिदमा मुख्यसचिवदेखि सुरक्षा सल्लाहकारसम्म तानिने
बैशाख ८, २०८१ शनिबार
सुधारिनेभन्दा झन् अराजक बाटोमा दौडिरहेको राजनीतिलाई कसले बाटोमा ल्याउने ?
बैशाख ८, २०८१ शनिबार
अब आन्तरिक कलह हट्नुपर्छ : नेतान्याहु
बैशाख ८, २०८१ शनिबार