सेतीवेणीबासी अबिरल बर्षादले रातभर जाग्राम, बजारका ८ घरमा क्षती !

२ असार, स्याङ्जा । सेतीवेणी धार्मिक क्षेत्र हो । एशियाकै ठुलो शालिग्राम रहेको सेतीवेणीमा विभिन्न धार्मिक पर्वमा मेला लाग्ने गर्दछ । स्याङ्जा, पर्वत र गुल्मी तिन जिल्लाको संगम स्थल हो सेतीवेणी । स्याङ्जा र पर्वतको सिमाना छ । सेतीखोला र दुई प्रदेश छ ।

कालीगण्डकीको विचमा रहेको सेतीवेणी बजार हरेक बर्षाद समयमा जोखिम हुदै आएको छ । नेपालकै ठुलो जलविद्युत आयोजना काली गण्डकी ए परियोजना निर्माण गर्द बनाएको ड्यामका कारण यो बजार जहिले पनि बर्षाद्मा जोखिममा पर्ने गरेको हो । ठुलो पानी पर्ना साथ यहाँका वासीन्दा जाग्राम बस्न बाध्य छन् ।

कालीगण्डकी किनार र सेतीखोलाले घेरिएको बजार ठुलो पानी पर्नासाथ जुनसुकै बेला पनि बाढीले ठुलो दुर्घट्ना हुन सक्ने क्षेत्र पनि हो । समयमै कालीगण्डकीका ड्यामहरु खेल्न ढिलाई भयो भने अप्रिय घट्ना घट्न सक्ने क्षेत्र भएकाले पानी पर्नासाथ सबै मिलेर जाग्राम बस्ने स्थानीय देवी श्रेष्ठले बताए ।

यस्तै दुखद दिन सेतीवेणीका लागी तिनदिन देखीको अबिरल बर्षाद्ले ल्याएकाे छ । स्याङ्जाको गल्याङ् नगरपालिका वडा नम्वर ५ मा पर्ने सेतिबेणी बजारमा बाढीले ८ घर बगाएको छ । कालिगण्डकी नदी र सेतीखोलाको बहाव बढेपछि बजारमा पसेको बाढीले सो घरमा क्षती पु¥याएको प्रहरीले जनाएको छ ।

जिल्ला प्रहरी कार्यालय स्याङ्जाका प्रवक्ता डिएसपी राजेन्द्र प्रसाद अधिकारीका अनुसार स्थानीय केश वहादुर क्षेत्री, केशवराज न्यौपाने, ठाकुर प्रसाद श्रेष्ठ, रेशमराज न्यौपाने, लक्ष्मीपती न्यौपाने, गुरु बहादुर क्षेत्री, तेजराम काफ्ले र त्रिबिक्रम हेजुको घर अबिरल बर्षा सगै आएको कालीगण्डकी नदीको बाढिले क्षेतीग्रस्त बनाएको जानकारी दिए ।

८ घरका २४ जनाको बिस्थापित भए पछि उनीहरुलाई उद्धार गरी नजिकैको बिद्यालयमा राखिएको प्रवक्ता अधिकारीले बताए । यो बर्षको मनसुनमा अत्याधिक बर्षा भएका कारण मानवीय क्षेती नभएपनि विस्थापित हुने अबस्था सिर्जना भएको स्थानीय श्रेष्ठले जानकारी दिए । श्रेष्ठका अनुसार मंगलबार रातभर सेतीवेणी बजारबासी जाग्राम बसेर ज्यान जोगाएको बताए ।

हरेक बर्ष जोखिम मोल्नुपर्ने यस क्षेत्रमा अहिले सम्म सरकारले कुनै चासो दिएको छैन । तटिय बन्धन गरेपनि दिर्घकालीन हुनेगरी नबनाउदा कालीगण्डकीको बाढीको समस्यामा सेतीवेणीवासीले भोग्न बाध्य छन् । धार्मिक पर्यटकीय गन्तव्यको योजनामा परेको सेतीवेणीलाई दिर्घकालीन योजना बनाएर सुरक्षित गर्नुपर्ने अवस्था देखिएको छ । यता अबिरल बर्षाका कारण सिद्र्धाथ राजमार्गको ठाँउठाँउमा पहिरो जाँदा अवरुद्ध हुन पुगेको छ । त्यस्तै सबै ग्रामिण सडकहरु पनि अवरुद्ध भएका प्रहरीको भनाई छ ।