काेराेनाकाे नाममा स्पर्श मल्टिस्प्यासिलिटी अस्पतालले बिरामीसँग लाखौँ रुपैयाँ असुल्दै
नेपालबहस संवाददाता
असार २, २०७८ बुधबार २२:५३:४
२ असार, पर्सा । बीरगञ्ज महानगरपालिका वडा नं १४ बहुअरीमा रहेको स्पर्श मल्टिस्प्यासिलिटी अस्पतालले स्तरीय उपचार नै नगरी नियम विपरीत बिरामीसँग लाखौँ रुपैयाँ असुलेको छ । स्तरीय सुविधा दिने नाममा खोलिएको यस अस्पतालले नेपाल सरकारले तोकेको नियमको धज्जी उडाउँदै उपचारको नाममा दोब्बर रकम असुलेको पाइएको हो ।
कोरोना महामारीलाई लक्षित गरी खोलिएको यस स्पर्श अस्पतालले जेठ ११ गते भर्ना भएका पर्साका बहुदरमाई नगरपालिका वडा नं १ निवासी ६८ बर्षिय छोटेलाल पण्डितसँग १७ दिनको अवधिमा लगभग ४ लाख रुपैयाँ असुलेको छ । उपचार गराउन आएका परिवारजनले चौतर्फी हारगुहार लगाएपनि नियम विपरीत स्पर्श अस्पतालले रकम असुलेरै छाडेको छ ।
कोरोना संक्रमित भई श्वास फेर्न गाह्रो भएको बेला उपचारका लागि स्पर्श अस्पताल आएका पण्डितको १७ औँ दिनसम्म उपचार गराउँदा पनि स्वास्थ्य अवस्थामा सुधार नआएपछि थप उपचारको लागि रेफर गराउँदा नेपाल सरकारले तोकेको रकमभन्दा बढी लाखौँ रुपैयाँ असुली गरेको पाइएको हो ।
जिल्ला जनस्वास्थ्य कार्यालय पर्साका अनुसार आईसीयुको बढीमा १५ हजार रुपैयाँ मात्र लिन पाइने भनी तोकिएको छ । सरकारको नियम अनुसार सो अस्पतालले ती बिरामीसँग १ लाख ३५ हजार मात्रै लिनु पर्ने थियो तर स्पर्श अस्पतालले एक दिनको २२ हजारको दरले ९ दिनको आइसीयु शुल्क १ लाख ९८ हजार अर्थात् ६३ हजार रुपैयाँ सोझै बढी रकम तिराएको छ । यसैगरी स्पर्श अस्पतालले एचडीयुको शुल्कमा समेत डेढ गुणा बढी रकम असुलेको छ ।
२५ वेडको मान्यता पाएको यस अस्पतालको सम्पूर्ण रेखदेखको जिम्मा पाएको बीरगञ्ज महानगरपालिका अन्तर्गतको स्वास्थ्य महाशाखाका प्रमुख अरुण महतोका अनुसार नेपाल सरकारले एचडीयुका लागि एउटा बिरामीसँग एक दिनको बढीमा ७ हजार ५ सय मात्रै लिन पाउने मापदण्डमा रहेको छ । तर स्पर्श अस्पतालले १२ हजारको दरले २ दिनको २४ हजार अर्थात् ९ हजार बढी रकम लिएको छ ।
स्वास्थ्य महाशाखाका प्रमुख महतोका अनुसार नेपाल सरकारको मापदण्ड अनुसार निजी अस्पतालको लागि एक दिनको उपचार वापत सम्पूर्ण खर्च २२ हजार ५ सय रुपैयाँ मात्र लिन पाउँछन् तर स्पर्श अस्पतालले आइसीयु र अक्सिजनको मात्रै ९ दिनसम्म प्रत्येक दिन २४ हजार ५ सय रुपैयाँ बिरामीलाई उपलब्ध गराएको बिलमै स्पष्ट रूपमा उल्लेख गरिएको छ । यस्तै अस्पतालले डिलक्स शुल्क प्रतिदिन १८ हजारको दरले ६ दिनको १ लाख ८ हजार असुली गरेको छ । महामारीको बेला जनताको सेवाको लागि खोलिएको स्पर्श अस्पताल पटक पटक विवादमा तानिँदै आएको छ ।
यस अस्पतालले बैशाख ३० गते मुक्ति राउत कुर्मीसँग लिएको बिलमा आइसीयु, चार्ज १५ हजार लिएको छ भने जेठ १० गते लालमुनी देवीसँग तिराएको बिलमा सोही आइसीयुको चार्ज १५ हजार मात्र तिराएको छ भने अहिले आएर स्पर्श अस्पतालले २२ हजार रुपैयाँ सोही आइसीयुको लिएको हो ।
अस्पतालले उपचार शुल्क मनपरी लिएर पनि बिरामी निको नगर्दा विपन्न तथा गरिब परिवारका व्यक्तिले यस अस्पतालमा उपचार गराउँदा अस्पतालको शुल्क तिर्न घर घडेरी समेत बेच्नु पर्ने बाध्यता हुन्छ । जबकी गरिब तथा विपन्न परिवारको उपचारको लागि बीरगञ्जका सन्दीप अग्रवाल, संजय अग्रवाल, अनुप अग्रवाल, राजीव अग्रवाल, आनन्द चौधरी, नुतन सरावगी र राजकुमार दारुका लगायतका समाजसेवीहरुले झण्डै ६ लाख ५० हजार रुपैयाँको भेन्टिलेटर सहयोग स्वरुप प्रदान गरेका थिए ।
यस विषयमा स्पर्श अस्पतालका संचालक डा. महेश्वर कुर्मीसँग बुझ्न खोज्दा उनले आफू अहिले केही नबोल्ने भन्दै पन्छिन खोजे । यता बीरगञ्ज महानगरपालिका स्वास्थ्य महाशाखाका प्रमुख महतोले यस बारेमा प्रकृयागत रूपमा त्रुटि ठहरिए कारबाही गरिने बताए । कृष्ण यादवबाट
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपदमौली अस्पतालमा १२ घण्टा ओपीडी सेवा सञ्चालन गर्ने
बैशाख ६, २०८१ बिहिबार
बेनी अस्पतालमा अर्थोपेडिक सेवा सुरु
बैशाख ३, २०८१ सोमबार
नगर अस्पतालमा अब चौबीसै घण्टा डाक्टर सेवा उपलब्ध
चैत २७, २०८० मंगलबार
निर्माण व्यवसायी संघको अध्यक्षमा भीष्म अधिकारीको दावेदारी
नेपालबहस संवाददाता
बैशाख ४, २०८१ मंगलबार
विराटनगरको रानी क्षेत्र तनावग्रस्त, दुई समूहबीच ढुंगा हानाहान
नेपालबहस संवाददाता
बैशाख ५, २०८१ बुधबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
अभिनेत्री शिल्पाका पति कुन्द्राको ९८ करोड सम्पति जफत
बैशाख ६, २०८१ बिहिबार
प्रदेश प्रमुखबाट संविधान मिच्ने काम भयोः कांग्रेस
बैशाख ६, २०८१ बिहिबार
‘कोर्स करेक्सन’का लागि अब कांग्रेस–एमाले गठबन्धन, देशले कहिलेसम्म अस्थिर दाहाललाई झेल्ने ?
बैशाख ७, २०८१ शुक्रबार
सांसद खड्काले हड्पेको स्काउटको जग्गामा सिलबन्दी
बैशाख ६, २०८१ बिहिबार
रविलाई ओलीले भने, ‘राजनीतिक रुपमा कांग्रेसले उठाएपनि सहकारी ठगीको विषय जनताको हो’
बैशाख ६, २०८१ बिहिबार
इन्डिगो एयरलाइन्सको सीटमा १ केजी सुन भेटियो, ल्याउने मान्छे भेटिएन
बैशाख ६, २०८१ बिहिबार
'....नाँकको डाँडीमा लात्तीले हिर्काउनु पर्छ' भन्नेलाई मेरो सुझाव
बैशाख ६, २०८१ बिहिबार
छिन्नमस्तामा डिजिटल माटो परीक्षण प्रयोगशाला सञ्चालन हुने
बैशाख ६, २०८१ बिहिबार