ज्यानमारा भाइरसबाट गण्डकीमा थप ७ जनाको मृत्यु

२ असार, काठमाडाैं । ज्यानमारा कोरोना भाइरसबाट गण्डकी प्रदेशमा थप ७ जनाको मृत्यु भएको छ । प्रदेशमा पछिल्लो २४ घण्टामा विभिन्न अस्पतालमा उपचाररत ७ जनाको मृत्यु भएको हो । गण्डकी प्रदेशमा विभिन्न जिल्लामा ७ जना कोरोना संक्रमितको उपचारका क्रममा मृत्यु भएको  बतायएकाे छ ।

कास्कीमा २, तनहुँमा १, मुस्ताङमा २ र नवलपरासी पूर्व २ जनाको कोरोना संक्रमणका कारण मृत्यु भएको छ । योसँगै गण्डकी प्रदेशमा कोरोना संक्रमणका कारण मृत्यु हुनेको संख्या ८६१ पुगेको छ । त्यसैगरी गण्डकी प्रदेशमा सोमबार थप ४०८ जनामा कोरोना भाइरसको संक्रमण पुष्टि भएको छ ।

संक्रमितमध्ये २०२ महिला र २०६ जना पुरुष रहेको प्रदेश स्वाथ्य निर्देशनालय गण्डकीले जनाएको छ । निर्देशनालयका अनुसार नयाँ संक्रमितहरुमा कास्कीमा १०५, बागलुङ ५६, गोरखामा १६, नवलपरासी ६९, स्याङजा ८, तनहुँ ८७, लमजुङ ५८, पर्वत ३८, पर्वत ४ र म्याग्दीमा ५ जनामा कोरोना संक्रमण देखिएको छ । योसँगै गण्डकी प्रदेशमा कोरोना संक्रमितको संख्या ५१ हजार ४३५ पुगेको छ ।