चीनको सिनोफर्म कम्पनीसँग सरकारले ४० लाख डोज खोप किन्ने

३ असार, काठमाडौं । सरकारले ४० लाख डोज चिनियाँ खोप किन्ने निर्णय गरेको छ । चीनको सिनोफर्म कम्पनीसँग ४० लाख डोज कोरोना खोप खरिद गर्ने भएको छहो ।

सोमबार बसेको मन्त्रिपरिषद बैठकले कोरोना खोप खरिद प्रक्रिया अघि बढाउन स्वास्थ्य तथा जनसंख्या मन्त्रालयलाई सहमति दिएको बालुवाटार स्रोतले जनाएको छ ।

नेपालले खोप खरिदका लागि प्रस्ताव गर्दा चिनियाँ कम्पनीले मुल्य लगायतका विषय सार्वजनिक नगर्ने गरी ‘नन डिस्क्लोजर एग्रिमेन्ट’ गर्नुपर्ने बताएको थियो । त्यही कारण स्वास्थ्य सेवा विभागले खरिद प्रक्रिया अघि बढाउन सकेन । ४० लाख खरिद गर्ने र पहिलो लट जुन महिनाभित्र आउने छ ।

यता बुधबार बसेको कोभिड–१९ निर्देशक समितिमा प्रधानमन्त्री ओलीले कोभिड नियन्त्रण्नका लागि खोप अनिवार्य भएको भन्दै ४० लाख डोज ल्याउन गृहकार्य भइरहेको बताएका छन् । अरु देशसँग पनि खोप खरिदका लागि प्रयास भइरहेको भन्दै उनले आगामी साउनबाट नागरिकहरुलाई लगाउन थालिने उनले बताएका छन् ।

खोपको प्रति डोज मूल्यका बिषय गोप्य राख्न चीनले गरेको आग्रहलाई ख्याल गर्दै मन्त्रिपरिषद्ले ४ अर्ब ५० करोड रुपैयाँको सीमाभित्र रहेर चीनसँग खोप किन्ने निर्णय गरेको बताइएको छ ।

प्रति डोज १० देखि १२ डलरको बिचमा मूल्य पर्नेगरी खरिद सम्झौता हुन लागेको हो । तेसो त सरकराले चीनले यसअघि अनुदानस्वरुप दिएको सिनोफार्माको भेरोसेल खोप नै खरिद गर्न लागिएको बताइएको छ । सरकारले गत बर्ष कोरोना महामारी सुरु हुने बेलामा पनि नेपाली सेनामार्फत सिनोफार्मासँगै स्वास्थ्य सामाग्री खरिद गरेको थियो ।