महाधिवेशन सार्ने प्रस्ताव अनुमोदन गर्न कांग्रेस कार्यसमिति बैठक बस्दै

३ असार, काठमाडौं । पार्टीको महाधिवेशनको कार्यतालिका संशोधन गर्न पदाधिकारी बैठकले गरेको प्रस्ताव अनुमोदन गर्न  नेपाली कांग्रेस केन्द्रीय कार्यसमिति बैठक आज बस्दै छ ।

पार्टी केन्द्रिय कार्यालय सानेपामा दिउसो २ बजे बस्ने बैठकले पार्टी पदाधिकारीले यस अघि गरेको माहाअधिवेशन कार्यतालिका संसोधन प्रस्ताव अनुमोदन गर्ने  बताइएको छ ।

यसअघि बसेको पदाधिकारी बैठकले भदौ ७ गतेदेखि निर्धारित महाधिवेशन भदौ १६ गतेदेखि गर्ने प्रस्ताव तयार पारेको छ ।

यस्तै बैठकम क्रियाशील सदस्यताको टुंगोदेखि वडा अधिवेशन गर्ने मितिसम्म हेरफेर गर्नेबारे केन्द्रीय कार्यसमिति बैठकमा छलफल हुने पार्टी मुख्यसचिव कृष्णप्रसाद पौडेलले जानाकारी दिए ।