निर्वाचन आयोगको निर्णय विरुद्ध अदालत जाने निर्णय गर्न जसपा कार्यकारिणी बैठक

३ असार, काठमाडौं ।  जनता समाजवादी पार्टी (जसपा) नेपालको उपेन्द्र यादव पक्षले कार्यकारिणी समितिको बैठक बोलाएको छ।

आजको बैठकले  निर्वाचन आयोगको निर्णय विरुद्ध पार्टी सर्वोच्च अदालतमा मुद्धामा जाने निर्णय गर्ने बताइएको छ।

कार्यकारिणी समितिको बहुमतले महन्थ ठाकुर र राजेन्द्र महतोसहितका नेतालाई गरिएको कारवाही निर्वाचन आयोगले मान्यता नदिएपछिअध्यक्ष उपेन्द्र यादवले आयोगविरुद्ध रुष्ट छन् । उनले आयोगले राजनीति दवावमा पूर्वाग्रहपूर्ण निर्णय गरेको निष्पक्षता कायम राख्न नसकेको आरोप लगाउदै कानूनी र राजनीति लडाइ लड्ने बताएका थिए ।

यस्तै आजको बैठकमा सरकारमा सहभागी भएका मन्त्रीहरुलाई सोधिएको स्पष्टीकरणबारे पनि छलफल हुने नेताहरुले जानकारी दिएका छन् ।निर्वाचन आयोगको निर्णय लगायता समसामयिक विषयमा छलफल गर्न भन्दै बोलाइएको बैठक विहान साढे ११ बजे पार्टी कार्यालय बालकुमारीमा सुरु हुनेछ।

एकदिन अघी मात्र पार्टीको कार्यकरिणी समिमितमा अल्पमतामा रहेका अर्का अध्यक्ष महन्थ ठाकुरले कार्यकारिणी समितिमा आफुपक्षका १७ जना मनोनित गरेका छन् ।