महोत्तरीमा सुनचाँदी पसलमा गोली प्रहार गरी लाखौं लुटपाट

३ असार, महोत्तरी । महोत्तरीमा गोली प्रहार गरी लुटेराहरूको एक समूहले गोली प्रहार गरी लाखौं लुटपाट गरेका छन् । सम्सी गाउँपालिका वडा नम्बर १ स्थित पर्सा बजारमा गएराति १० जनाको संख्यामा रहेका एक समूहले राजीव ज्वेलर्स सुनचाँदी पसलमागोली प्रहार गर्दै लुटपाट गरेका हुन् ।

डाकाको गोली प्रहारबाट पसल संचालक ५० वर्षीय विरेन्द्र साह गम्भीर घाइते भएका छन्। उनको कम्मरमा गोली लागेको छ। जनकपुरमा उपचार सम्भव नभएपछि थप उपचारको लागि उनलाई धरान रेफर गरिएको प्रहरीले जनाएको छ।

डाकाहरुको घरेलु हतियार प्रहारबाट साहकी श्रीमती ४५ वर्षीय शुशीला देवी साह, छोरा २५ वर्षीय शम्भु साह, छोरी २० वर्षीया कंचन कुमारी साह र १७ वर्षीय छोरा राजिव साह घाइते भएका छन्।

घाइतेहरुलाई बुधबार राति नै जनकपुरस्थित गोदावरी अस्पतालमा लगी उपचार भइरहेको छ । डाकाहरुको समूहले वीरेन्द्रले सञ्चालन गरेकोपसलबाट नगद रु दुई लाख, पाँच तोला सुन र १७२ तोला चाँदी गरी जम्मा रु नौ लाख ९७ हजार लुटपाट गरी लगेको प्रहरीले जनाएको छ ।