दुई फाइनान्ससहित १८ कम्पनीको साढे ५ अर्ब बढिको आईपीओ आउँदै, कुनको कति ?

४ असार, काठमाडौं । आईपीओमा लगानीकर्ताको उल्लेख्य आकर्षण बढ्दो छ। पछिल्ला दिनमा प्राथमिक बजारमा १५ लाखभन्दा धेरै लगानीकर्ताले आवेदन दिन थालेका छन्। यस्तो अवस्थामा आईपीओ बिक्री गर्ने कम्पनीहरु पनि बढ्दै गएका छन्।

यतिबेला १८ कम्पनी आईपीओ निष्कासनको पर्खाइमा छन्। बोर्डको अनुसार अहिले १८ वटा कम्पनीले ५ अर्ब ७१ करोड ५० लाख ३३ हजार ४०० रुपैयाँ बराबरको आईपीओ जारी गर्न आवेदन दिएका छन्। यी कम्पनीहरुले कुल ५ करोड ७१ लाख ५० हजार ३३४ कित्ता आईपीओ बिक्रीमा ल्याउन लागेका हुन।

आईपीओ निष्काशनको पाइपलाइनमा रहेका १८ वटा कम्पनीहरुमध्ये साहस उर्जाले सबैभन्दा धेरै १ अर्ब ५ करोड रुपैयाँ बराबरको आईपीओ जारी गर्न अनुमति मागेको छ।

अहिले आईपीओ जारी गर्न अनुमति माग्ने अधिकाँश कम्पनीहरु हाइड्रोपावर क्षेत्रका रहेका छन्। १८ वटा कम्पनीमा १३ वटा हाइड्रोपावर रहेका छन् भने दुई माइक्रोफाइनान्स, दुई इन्स्योरेन्स र एक अन्य क्षेत्रको कम्पनी रहेको छ। हालै जीवन विकास लघुवित्तले आईपीओ निष्कासनको अनुमति पाएको हो ।

कुन कम्पनीले कति रुपैयाँको आईपीओ निष्कासन गर्दै ?