चालु आवको ११ महिनामा वीरगंज भन्सारबाट २९ अर्ब बढीको निकासी

०४ असार, काठमाडौं । चालु आर्थिक वर्षको ११ महिनामा वीरगंज नाकाबाट २९ अर्ब बढीको निकासी भएको छ ।

गत  साउनदेखि जेष्ठसम्मको ११ महिनासम्मा २९ अर्ब २९ करोड ३७ लाख रुपैया मुल्य बराबरको विभिन्न माल बस्तु निकासी भएको वीरगंज भन्सार । यो गत आर्थिक वर्षको तुलनामा ५१.०३ प्रतिशत बढी हो ।

उक्त नाकाबाट  भटमास तथा सुर्यमुखीको प्रशोधित तेल, जुश जाम, जडिबुडी कपडा लगायतकाका बस्तुको र्नियातमा वृद्धी भएको वीरगन्ज भन्सार कार्यालयका सुचना अधिकारी सुमित गुप्ताले जानकारी दिएका छन् ।

उनका अनुसार आवको तुलनामा चालु अवमा वीरगन्ज नाकाबाट भारत तर्फ हुने भटमासको प्रशोधित तेलको र्नियात ३ गुनाले र सुर्य मुखीको प्रशोधित तेलको र्नियात २२ गुनाले वृद्धी भएको बताए।

गत आर्थिक वर्षको ११ महिनामा वीरगन्ज नाका प्रयोग गरी १ अर्ब १७ करोड रुपैया मुल्यको ८ हजार ४ सय मैट्रिक टन भटमासको प्रशोधित तेल र ७६ लाख रुपैया मुल्यको ५३ मैट्रिक टन सुर्यमुखीको प्रशोधित तेल निकासी भएको तुलनामा चालु आवको सोही अवधीमा ४ अर्ब ७२ करोड रुपैया मुल्यको २२ हजार २ सय मैट्रिक टन भटमासको प्रशोधित तेल र १८ करोड रुपैया मुल्य बराबरको १ हजार ६ सय मैट्रिक टन सुर्यमुखीको प्रशोधित तेल र्नियात भएको भन्सारले जनाएको छ ।