मुख्यमन्त्रीद्वारा विश्वासको प्रस्ताव पेश

४ असार, पोखरा । गण्डकी प्रदेशका मुख्यमन्त्री कृष्णचन्द्र पोखरेलले प्रदेशसभामा विश्वासको मत प्राप्त गर्न प्रस्ताव पेश गरेका छन् । संविधानको धारा १६८ (८) बमोजिम उनले विश्वासको मत लिन खोजेका हुन् ।

गत जेठ २९ गते मुख्यमन्त्रीमा नियुक्त पोखरेलले ३० दिन भित्र विश्वासको मत लिनुपर्ने संवैधानिक व्यवस्था रहेको छ । हाल ५९ जना सदस्य रहेको प्रदेशसभामा एमालेको २७ मत छ भने पोखरेल नेतृत्वको गठबन्धनमा ३१ मत रहेको छ ।

विश्वासको मत जित्न उनले ३० मत आवश्यक रहेको छ । प्रस्ताव पेश भए लगत्तै मतदान गर्ने कार्यक्रम प्रदेश सभाले तयार गरेको कार्यसूचिमा उल्लेख छ ।