नबिल बैंकले युनाइटेड फाइनान्सलाई प्राप्ति गर्ने प्रस्ताव पारित गर्न बोलायो शनिवार विशेष साधारण सभा

४ असार, काठमाडौं । नबिल बैंकले युनाइटेड फाइनान्सलाई प्राप्ति गर्ने भएको छ ।

प्राप्ति गर्ने प्रस्ताव पारितका लागि दुबै कम्पनीले शनिवार विशेष साधारण सभा बोलाएका हुन । नबिल बैंक र युनाइटेड फाइनान्सले विशेष साधारण सभा आ आफ्नै केन्द्रीय कार्यालयमा बिहान ११ बजे गर्ने जानकारी दिएका छन् ।

नबिल बैंकले काठमाडौंमा र युनाइटेड फाइनान्सले सप्तरीमा साधारण सभा गर्नेछन् । कोरोना महामारीका कारण सभा दुबै कम्पनीको भर्चुअल माध्यमबाट हुनेछ ।

विशेष साधारण सभाले नबिल बैंकले १००:३५ को शेयर स्वाप रेशियोमा युनाइटेड फाइनान्सलाई प्राप्ति गर्ने विशेष प्रस्ताव पारित गर्नेछ ।साथै सभाले प्राप्ति वा एक्विजिशन सम्बन्धी सम्पूर्ण कार्य गर्न सञ्चालक समितिलाई अख्तियारी दिने प्रस्ताव पनि पारित गर्नेछ ।