आँधीखोला तर्ने क्रममा डुबेर एकको मृत्यु

५ असार, स्याङ्जा । स्याङ्जाको आँधीखोला तर्ने क्रममा डुबेर एक जनाको मृत्यु भएको छ । पुतलीबजार नगरपालिका ४ निवासी ५१ वर्षिय टेबबहादुर थापा ‘मने’ को आँधीखोला तर्ने क्रममा डुबेर मृत्यु भएको हो ।

पुतलीबजार नगरपालिका ४ को ठूलो फुलबारी तर्फबाट गाईनेघाट हुन्दै सानो फुलबारीस्थित लामागे तर्फ जाँदा आँधीखोला तर्ने क्रममा चिप्लिएर लडेका थिए । चिप्लिएर लडेका थापाको डुबेर मृत्यु भएको जिल्ला प्रहरी कार्यालय स्याङ्जाले जनाएको छ ।

मृतक थापा नेपाली कांग्रेस स्याङ्जा पुतलीबजार नगरपालिका वडा नं. ४ का सह–सभापति कुलबहादुर थापाका छोरा हुन् । थापाको शब पोष्र्टमार्टमका लागि स्याङ्जा अस्पतालमा राखिएको प्रहरीले जनाएको छ ।