बाराको जगदम्बा कारखानामा आगलागी : २ मजदुरको मृत्यु, ३ घाइते !

५ असार, बारा । बाराको जगदम्बा कारखानामा आगलागी हुँदा दुई भारतीय मजदुरको मृत्यु भएको छ । आगलागीमा परी ३ जना घाइते भएका छन् । जीतपुरसिमरास्थित जगदम्बा स्टील्समा शनिबार राति पेट्रोल र डिजेल भण्डारण गर्ने ट्यांकी वेल्डिङ गरिरहँदा आगलागी भएको हाे ।

प्रहरीका अनुसार आगलागीमा परेर भारत विहार पश्चिम चम्पारणका ४० वर्षीय प्रदीप गौड र ४५ वर्षीय रामनाथ महतोको घटनास्थलमै मृत्यु भएको छ । घाइतेहरुको उपचार वीरगन्जको तराई अस्पतालमा उपचार भइरहेको छ ।

घटनास्थलमा रहेका ६ मजदुरमध्ये एक जना सुरक्षित रहेका छन् । अहिले आगलागी नियन्त्रणामा आइसकेको बताइएको छ । आगलागीमा के कति क्षति भएको भन्नेबारे अनुसन्धान भइरहेको छ ।