बाढीले महाकाली नदीमा निर्माण भइरहेको पुलको बाँध बगायो

६ असार, धनगढी । महाकाली नदीमा आएको बाढीले निर्माणाधीन पुलको बाँध बगाएको छ । बाढीले कञ्चनपुरको भीमदत्त नगरपालिका(१२ ओदालीस्थित महाकाली नदीमा निर्माण भइरहेको पक्की पुल बगाएको हो ।

प्रहरीका अनुसार बाढीले करीब ९० मिटर अस्थायी बाँध शनिबार राति आएको बाढीले बगाएको छ । शुक्रबारदेखि नै ड्याम काटिरहेको नदीले राति बहाव बढेपछि ९० मिटर क्षेत्रको बाँध बगाएको प्रहरीले जनाएको छ ।

तटीय क्षेत्रन जिकै पर्ने दोधारा चाँदनी नगरपालिका-१० को कुतियाकबर, शान्ति टोल र बैदीफाँटाका ८ वटा घरमा नदीको पानी पसेको छ । घरभित्र पानी पसे पनि मानवीय तथा भौतिक क्षति भएको छैन । विस्थापित भएकाहरु आफन्त घरमा बसेका छन् ।

पहाडी जिल्लामा लगातार भइरहेको वर्षका कारण महाकाली नदीमा पानीको सहत बढ्ने, घट्ने क्रम जारी रहेको छ । शनिबार राति दुई बजेतिर दुई लाख ४७ हजार क्युसेक मापन गरिएको पानीको सतह बिहानैदेखि वर्ष रोकिएकाले घट्दो क्रममा रहेको छ ।